Гужношурын гуж вазе

Удмурт Дунне
By Удмурт Дунне 29 июня, 2012 13:46

Гужношурын гуж вазе

Валтӥсь инженер А. Ерохин, бригадаен кивалтӥсь П. Кузьмин, механизатор В. Осипов.

Пичи Пурга ёросысь «Первый май» огазеяськонын ӟеч но кужмо техника ужа.

Пудо сиён дасясь «Челенджер» комбайнлэн косилкаез одӥг пала мынэмаз 9 метр пасьта турнаса кошке. Кузёез Виталий Осипов данъяськыса но шумпотыса вера, таин, пе, кыкетӥ арзэ ужасько ни. Кабинаяз кондиционер пуктэмын, компьютерез, навигаторез вань, нокыӵе тузон уг пыры. Дунзэ но пичи уд шуы — 5 миллион манет.

Пудо сиён дасясьёс ужало Гужношур бусыын. В. Осипов йыдыез силослы турна, нош бӧрсяз МТЗ-82 тракторен Алексей Оленёв чуръёсты огазея. Возь вылэ вуизы эштосысь валтӥсь инженер Алексей Ерохин но комплексной бригадалэн кивалтӥсез Пётр Кузьмин. Егит специалистъёс «американецлэсь» (озьы шуо кунгож сьӧрысь ваем комбайнэз) ужамзэ синмаськыса учко. Милемды но кабинаяз пуксьыны лэзизы. Ӟеч машина, номыр уд шуы. Со юрттэ ужазинлыкез ӝутыны, эстӥськонэз шыръяны но вань ужъёсты дыраз но ӝог быдэсъяны.

Геннадий Романов.

Удмурт Дунне
By Удмурт Дунне 29 июня, 2012 13:46