А-и, а-и, мон тонэ кема возьмай ни!

Удмурт Дунне
By Удмурт Дунне 27 июня, 2012 11:15

Silent Woo Goore удмурт инди-рок группа аслэсьтыз нырысетӥ альбомзэ поттыны дасяське. Кылем арын егитъёс сое Финляндиын гожтӥзы. Кырӟанъёсын диск кылзӥсьёслэн киязы али ке но ӧз сюры на. Трос дыр басьтэ вылтус дизайн бордын ужан, коньдон утчан. Рокъяськисьёслэн дырзы но уг тырмы: я Эстоние ширто, я «Усьтэм город» фестивале но удмурт оупен-эйре шонто. Ум ӝожомиське, оскиськом, матысь дыре студиын гожтэм гуръёс радиоэфирын чузъяськозы! Лади Светӥен тӥ но ӵош кырӟаны мед быгатоды шуыса, кырӟанъёслэсь кылъёссэс поттӥськом.

 

Кырӟаса лэзём али

Кылъёсыз калыклэн

Кырӟаса лэзём али но, вераса лэзём али,

Вань сюлмысьтымы кисьтыса кылъёсмес лэзём али.

Ой, эшъёсы, тӥ, эшъёсы, тӥ, эшъёсы-лулъёсы,

Тӥ, эшъёсы ӧй ке лусал, мар ужасал одӥгнам?

Ми кырӟаны усто ӧвӧл, кылъёсмы сандык пыдсын. / 2 пол

Усьтыса бен басьты вал но, усьтонэз анай киын. / 2 пол

Кырӟаса лэзём али но, вераса лэзём али,

Вань сюлмысьтымы кисьтыса кылъёсмес лэзём али.

Ой, эшъёсы, тӥ, эшъёсы, тӥ, эшъёсы-лулъёсы,

Тӥ, эшъёсы, ӧй ке лусал, мар ужасал одӥгнам?

 

Сирота кырӟан

Кылъёсыз калыклэн

Ӵукна ӵук султӥ,

азбаре потӥ,

уӵыпилэсь куаразэ кылӥ. / 2 пол

Не буби мынам,

не меми мынам,

шудтэм семья пӧлын будэмын. / 2 пол

Мон татысь ӧвӧл,

мон туж кыдёкысь,

нокин но жалясез ӧвӧл. / 2 пол

Ӵукна ӵук султӥ,

азбаре потӥ,

уӵыпилэсь куаразэ кылӥ. / 2 пол

 

Кызьы меда лыктӥды

Кылъёсыз калыклэн

Кызьы меда лыктӥды, ӟечесь-а тӥ вуиды,

Кызьы меда, кызьы меда тӥ лыктӥды?

Гажаса ке лыктӥды, ӝоген сиёд-юоды,

Гажатэк ке лыктӥды, уд юэлэ.

Кызьы меда лыктӥды, ӟечесь-а тӥ вуиды,

Чупчи йылысен-а, выжыысен-а?

Гажаса-а, гажатэк-а

Тӥ лыктӥды, тӥ лыктӥды?

Кызьы меда лыктӥды, ӟечесь-а тӥ вуиды,

Чупчи йылысен-а, выжыысен-а?

Алама уйвӧт

Кылъёсыз калыклэн, Дарали Лелилэн, С. Ручкиналэн

Ай баю кота колыбелька золота,

А у дитятки мого и получше того,

Ай да ай люли, хоть сегодня умри,

Поплачем, повоем, в могилу зароем…

 

Изь ни, зарние,

Зарние, тонэ гинэ

Чупасько, малпасько.

Изь ни, шундые,

Шундые, тонэ гинэ

Чупасько, малпасько…

 

Припев:

Тон, шат ӧвӧл ни тон?

Ӧвӧл ни, ӧвӧл ни!

Мон, шат визьтэм ни мон?

Ӧвӧл ни!

 

Али гинэ вал, али гинэ пушкам вал

Туж пичи мугорыд.

Али гинэ вал, али гинэ пушкам вал

Мугорыд, но бырид.

 

А-и

Кылъёсыз А. Егоровлэн

Туж каллен верад мыным: «Тонэ яратӥсько»,

Но уг адӟиськы сое, соин ик уллясько тонэ мон.

А-и, а-и, соин ик уллясько тонэ мон.

 

Малпасько вал, асьмеос луомы котьку но ӵош,

Но огпол эше вераз ук: тон сое трос пол келяд ни!

А-и, а-и, тон сое трос пол келяд ни!

 

Чагыр дыдыке

Кылъёсыз Г. Верещагинлэн

Чагыр, чагыр дыдыке,

Марлы пыддэ жобаськод,

Чебер пие, гыдыке,

Марлы ялан бӧрдӥськод? / 2 пол

 

Припев:

Изь, изь, нуные, зарни бугоре.

Бадӟым будод, тӥр кутод,

Тэле мынод кырӟаса,

Ӝужыт кызэз уськытод,

Жадёд пудэ кораса.

 

Сюдо тонэ табанен, йырдэ вӧйын вӧяса,

Юод мусур чечыен,

Анай пӧзьтэм шуыса.

 

Припев:

 

Эмезе

Кылъёсыз калыклэн

Бакчаям но сяськаяське

Тынад мерттэм эмезед, / 2 пол

Эмезе, эмезе,

Тынад мерттэм эмезед. / 2 пол

 

Кылем уе туганэ

Уйбыт вӧтай мон тонэ. / 2 пол

Эмезе, эмезе,

Уйбыт вӧтай мон тонэ. / 2 пол

 

Лыз эмезь кадь синъёстэ

Ку адӟом на табере? / 2 пол

Эмезе, эмезе,

Ку адӟом на табере? / 2пол

 

Эмезез но кисьмаз ини,

Бичаны ини яра.

Эктӥмы ни, кырӟамы ни,

Бертыны ини яра.

Эмезе, эмезе,

Бертыны ини яра. / 2 пол

 

SWG

Кылъёсыз С. Ручкиналэн

Тон сайкаськод, мон бертӥсько дорам,

Тон висиськод, мон паймисько, вӧзам…

…ӧвӧл ни тон, ӧвӧл ни мон отын.

Мон кырӟасько — сюлмам кысӥз сюсьтыл!

Тон сайкаськод ӵукна, уйин вӧтад: ӧвӧл ни тон, ӧвӧл ни мон — кышкад.

Ӧвӧл ни тон, ӧвӧл ни мон отын…

Мон кырӟасько:

«Сюлмам кысӥз сюсьтыл».

 

Тӧл

Кылъёсыз Дарали Лелилэн, тодмотэм авторлэн

Тон тӧлъя монэ тӧл,

Тон тӧлъя тулкымен,

Тон тӧлъя тӧл, эн кӧл,

Нокин ӧвӧл монэн.

Тон иса монэ тӧл,

Тон иса тулкымен,

Тон иса тӧл, эн кӧл,

Нокин ӧвӧл монэн.

Тон иса монэ тӧл,

Тон иса тулкымен,

Тон иса тӧл, эн кӧл,

Нокин ӧвӧл монэн.

Тон иса монэ тӧл,

Тон иса тулкымен.

Тон валалод монэ,

Тон валалод гинэ.

Кылъёс кулэ ӧвӧл,

Мон эрико туннэ.

Тон иса монэ тӧл,

Тон иса тулкымен,

Тон чупа тӧл, эн кӧл,

Нокин ӧвӧл монэн.

Тон тӧлъя монэ тӧл,

Тон тӧлъя тулкымен,

Тон тӧлъя тӧл, эн кӧл,

Нокин ӧвӧл монэн.

Тон тӧлъя монэ тӧл,

Тон иса тулкымен.

 

Толэзе

Кылъёсыз А. Егоровлэн, Дарали Лелилэн

Туж каллен учкы вал сюлэмам,

Шуныттэ пырты тон пушкам.

Курисько мон, уть тон кезьытлэсь.

Шундымес ни нош воштӥз толэзь.

 

Толэзе, вай мыным но шуныттэ,

Кузьма льӧль уйвӧтъёстэ.

Небыт уй ас бурд улаз

Синмес пытсаз.

 

Припев:

Толэзе, вай мыным но шуныттэ!

Толэзе…

 

Улля ни мӧзмыт мылкыдме,

Малы ке нош сюлэмы висе.

Иземе уг луы уйёсы —

Учке кадь толэзьысь уйсы.

 

Толэзьын карнанэн ветлэ нылаш —

Куанерлэн адӟонэз аслаз.

Мон но пегӟысал дораз,

Мӧзмонэ аляз.

 

Припев:

Удмурт Дунне
By Удмурт Дунне 27 июня, 2012 11:15