Финъёс кырӟало удмурт сямен

Удмурт Дунне
By Удмурт Дунне 30 мая, 2012 09:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Арысь аре май толэзе ортче фин-угор студентъёслэн XXVIII калыккуспо IFUSCO конференцизы. Со радъяськиз Эстониысь Тарту карын туэ 8-тӥ-11-тӥ куартолэзе.

Отчы вуылӥзы быдэс дуннеысь 34 университетысь дышетскисьёс но дышетӥсьёс. Тарту милемыз туж шуныт пумитаз. Куноосты интыязы усто гостиницаосы, тунсыко экскурсиос ортчытӥзы, сету эстонъёс доры куное нуллӥзы, ческыт сюдӥзы. Куазен но удалтӥз — ӧз зоры.

Конференциез усьтыку, делегациос вакчияк асьсэос сярысь веразы. Шумпотымон: удмуртъёс котьку самой трос луо — ми вӧзы султо Финляндиын, Эстониын, Венгриын дышетскись эшъёсмы но. Туэ Ижкарысь 19 кузя мынӥм — ваньмы ик Удмурт кун университетысь удмурт филология, журналистика, история факультетъёсысь но дизайнъя, кунсьӧр кылъёсъя институтъёсысь дышетскисьёс, нош ваньмы ӵош 25-лэсь трос луимы. Туж шумпотӥм: конференцилэн усьтӥськоназ фин делегация, нимысьтыз гожтыса, удмурт кылын шулдыр кырӟан быдэстӥз. Ӧз вунэтэ Брангурт песяйёс пумысен шумпотэмзэс вераны. Мылкыдмес сыӵе лӧпкытӥзы!

Котьку сямен конференциын пӧртэм секциос ужазы: кылтодон, социолингвистика, фольклор, история, социология но право, литература… Англи, ӟуч, немец, удмурт, пор, эрзя но мокша, коми, ханты, карел кылъёсын 126 доклад лыдӟемын — ваньзы ик фин-угор дуннеен герӟаськемын вал. Студентъёс но аспирантъёс сяна, секциосын пукизы Тарту университетын дышетскисьёс. Соос доклад лэсьтӥсьёслы, лекция лыдӟисьёслы трос юанъёс сётъязы.

Вуонозэ IFUSСO-ез Сыктывкарын ортчытон сярысь огкылэ вуэмын. Озьыен, дышетскиськом, докладъёс дасяськом-гожъяськом, выль эшъёсынымы Интернет пыр кусыпъёс возиськом. Вуоно арын Коми шаерын пумиськытозь!

Елена Рябина.

Удмурт Дунне
By Удмурт Дунне 30 мая, 2012 09:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<