Удмуртиын ортчиз «FINMURTIA»

Удмурт Дунне
By Удмурт Дунне 30 мая, 2012 09:39
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

19-тӥ мае Удмуртиын Лудорвай музейын ортчиз кыкетӥез калыккуспо фестиваль.

Cо сӥземын вал мордваослэн Россиысь мукет калыкъёсын огазеяськемзы дырысен 1000 ар тырмонлы. Ужрадэ пыриськизы удмуртъёс, мордваос, поръёс но бесерманъёс.

Фестивале лыктӥсьёслы сётэмын вал гуртысь уж — «визитка». Озьы ик соослэсь фин-угор калыкъёслэсь йылолъёссэс, сямъёссэс тодэмзэс эскеризы. Кылсярысь, кыӵе тылобурдо Удмурт Элькунлэн кунпусаз яке мар луэ пор сюанлэн тодметэз.

Ӵошатсконъёс но шудонъёс бере люкаськем калык гань-гань кариськиз — концерт кутскиз. Лудорвай тыр чузъяськизы кырӟасьёслэн куараоссы. Тыпыртыны яра-тӥсьёс «Эктон корка» студиен но Саранскысь «Келу» фольклор ансамблен эктонъёс дышетӥзы.

Ӝытазе мылкыд карисьёслэн луонлыксы вал фин-угор калык сиён-юонъёсты оскалтыны, уго котькудӥз сьӧраз ческыт саламъёс ваем. Удмуртъёс перепечен но варсен утялтӥзы.

Та шундыё нунал Лудорвай понна кык полэс пайдаё пӧрмиз: «FINMURTIA» ужрад сяна, татын, музейёслэн нуналзылы сӥзьыса, «Лыдӟиськонни юрт» усьтӥськиз. Озьыен, нунал удалтӥз!

Маша Золотарёва.

Удмурт Дунне
By Удмурт Дунне 30 мая, 2012 09:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<