Музъем висъяськоз нылпиё семьяослы

Удмурт Дунне
By Удмурт Дунне 29 мая, 2012 10:03

Ваньбур кусыпъёсъя министерство 2011-тӥ арын ужамезлы йылпумъянъёс лэсьтӥз.

Туэ министерство ужаны кутскем дырысен 20 ар тырме. Та дыр ӵоже трос лэсьтэмын. Но тужгес висъяське 2011-тӥ ар: ваньбур ласянь кылдытэмын но кутэмын 3 закон. 2012-тӥ арлы Удмуртиын кылдытэмын 170 бюджетной, 64 казённой, 61 автономной учреждениос.

Кылем арын бадӟым уж нуиськиз кун ваньбурез муниципал кылдытэтъёслы сётон ласянь. Азьланьтӥськиз Россиысь Обороная министерстволэсь ваньбурзэ интыосысь аскивалтонъя ёзъёсы юнматон. Муниципал ваньбуре шедёз ожгарчиослэн 51 объектсы. Соосты документъёсын юнматон понна кулэ луоз 250 миллион манет. Кылем арын кун ваньбурез приватизация ортчытэмлэсь Удмуртилэн бюджетаз 324,9 миллион манет вуиз. Нош музъемез уже кутэмлэсь, музъем понна вытъёслэсь — 1 миллиард 102 миллион манет, яке 2010-тӥ арынлэсь 18,9 процентлы ятыргес.

Миым республикаысь 12 район 1 миллион 750 сюрс манет тыр субсидиос басьтӥз. Со коньдон кутӥськиз трос квартираосын улон коркаос пуктонлы музъем дасяны. 2012-тӥ арын ёросъёслы висъяны чакламын 10 миллион манет. Со коньдон люкиськоз муниципал кылдытэтъёс куспын. Висъям субсидиос мынозы улон интылы кулэяськисьёслы музъем участокъёс висъянлы. Но нырысь ик субсидия сётӥськоз трос нылпиё семьяослы. Та дырлы шаерамы 13 сюрс 356 сыӵе семья пусъемын. Пӧлысьтызы улон интызэ умоятонлы пуктэмын 1 сюрс 502-ез. Туэ 1-тӥ оштолэзьлы 133 корка пуктыны музъем участок висъямын. Со пӧлысь 26-ез — трос нылпиё семьяослы. Музъем участокъёс висъямын Дэри, Якшур-Бӧдья, Балезино, Ува, Вавож ёросъёсын.

Иван Аркашев.

Удмурт Дунне
By Удмурт Дунне 29 мая, 2012 10:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<