Марлэсь бызгето бозгетӥсьёс

Удмурт Дунне
By Удмурт Дунне 23 мая, 2012 09:12

Бакчаысь будосъёс, емышъёс бордазы кыско пӧртэм нымы-кибыосты. Соосты кышкатыны луоз садын ик будӥсь турын-куаръёсын, сяськаосын.

Настурциез уг ярато векчи кибылиос (тля), колорад бӧчыос, кубистаез сиись нумыръёс, тӧдьы бурдо векчи бубылиос.

Курыт пот кышкатэ кузьылиосты, кубистаез но ӵужкушманэз изъянтӥсь кутъёсты, емыш сиись бубылиез, музъем пыӵъёсты, кубистаез изъянтӥсь бубылиосты.

Мята (перечной) — кузьылиослэн, векчи кибылиослэн, музъем пыӵъёслэн, кубистаез изъянтӥсь бубылиослэн тушмонзы.

Кӧлтурын (пижма) — музъем пыӵъёсты, кубистаез сиись нумыръёсты.

Чеснок кышкатэ кубистаез изъянтӥсь кутъёсты, емышез сиись бубылиосты.

Горчицаез, кориандрез, фенхелез, бархатцы сяськаез, сугонэз, чеснокез уг ярато векчи кибылиос.

Будосъёс улэ вӧлдэм тыпы куар но тыпылэн векчиятэм сулэз кышкатэ куалялюльыосты, соку гинэ мычиськем будосъёсты изъянтӥсь нумыръёсты, муш бӧчыосты (хрущ). Вӧлдоно сюресъёс вылэ яке убо кузя векчи радэн.

Огреч турынэз кизёно вань пумо кубиста пӧлы. Кышкатэ нумыръёсты, нош бышкаськись куарез — куалялюльыосты.

Кубисталэн ӟеч бускелез — укроп. Нумыръёсты улляны уг ке но вормы, векчи кибылиосты кышкатэ.

Кубиста пӧлы висказ-висказ сельдерей мерттӥськод ке, музъем пыӵъёс но тӧдьы бубылиос будосъёс котырысь палэнско.

Вылӥын верам турын-куаръёс нымы-кибыосты кышкато ке но, быдэсак соос вылэ гинэ оскиськыны кулэ ӧвӧл. Одӥг интыын трос пӧртэм будосъёс мерттыса, изъянтӥсьёс но олокӧня пӧртэм люкасько уго. Арысь аре соос уногес вӧлмо.

Адямилы но пудо-животлы люкетӥсь нымы-кибыослы пумит но кутыны луоз будосъёсты. Кутъёсты кышкатон понна рутаез мерттоно укно вылысь горшоке, кыед котыре. Помидор куаръёс но, курытпотлэн куарезлэсь спиртэн сурет но бозгетӥсьёслы уг яра.

Корка вӧзы мерттэм клещевина уллялоз чибиньёсты. Чибиньёсты но кутъёсты озьы ик кышкатэ кӧлтурын. Мятаез уг ярато кузьылиос — вӧлдоно сиён возён интыосы. Курыт потлэн, розмаринлэн, шалфейлэн, лавандалэн яке мяталэн куасьтэм куарзы — кейёслы тушмон.

Александр Фёдоров.

Удмурт Дунне
By Удмурт Дунне 23 мая, 2012 09:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<