Йырсиед чупаськыны гинэ медаз люкеты!

Удмурт Дунне
By Удмурт Дунне 30 мая, 2012 10:07

Йырсиед чупаськыны гинэ медаз люкеты!

Ольга Данилова.

Калык вера: кузь йырси — вакчи визь. Нош мон та веранэн чик но соглаш ӧвӧл. Сое малпаллям, дыр, удалтымтэ йырсиен нылашъёс.

Ас вылтӥм вераны быгатӥсько: йырсилэн буёлэз но кузьдалаез адямилэн IQ-эныз герӟаськемын ӧвӧл. Но со вакытэ ик йырси пумысен трос мадёсъёс вань. Тодэ лыктэ Библиысь герой Самсон, кудӥзлэн вань кужымез йырсияз вылэм. Выжыкылысь Златовласкалэн зарни бабляосыз туганзэ шудо карылӥзы. Соин ик йырси пунэтме вандыны уг малпаськы. Солэсь мозмытски ке, вылтусылэн аспӧртэмлыкез ышоз-быроз.

Йырсиме мон будэтыны кутски 11 арескысен. Анаелэсь, вылды, рекордзэ ортчеме потӥз. Егит дыръяз со кус дорозяз йырси пунэт возем, нош мон дас ар ӵоже пыдес дорозь будэтӥ. Школаын дышетскыкум, йырсиме кыскась ӧй вал. Берпуметӥ звонокысен гинэ пиос автобусын йырси пунэтме керттылӥзы. Бон али но учыръёс луыло. Я транспортын вылаз пуксё, я сумкае шеде. Огпол вузкаронниын кык пияшъёс сьӧрам сыло. Тани йырси пунэтме кыскись луиз. Одӥг пол кыскизы — ӧй берытскы, кыкетӥзэ — ӧй. Огез пияш вера:

— Озьы ик малпай, аслаз йырсиез ӧвӧл со. Сомында кыскаме понна бамам чабкыса лэзьысалыз ни.

Йырсиме адӟисез но, учкисез но, паймисез но лачак. Котькытын но юасько, кызьы со кузьдаез миськиськод, кӧня шампунь быдтӥськод шуыса. Озьы малпаськоно ке, шампунь коньдонэз сие ик. Одӥг флаконэз одӥг но ӝыны толэзьлы тырме. Эшшо вӧзаз бальзам, спрей октӥсько. Нош миськон туж капчи ортче. Пӧсь-кезьыт душ — йырсилы праздник. Гужемзэ колонка вуэн но гылтӥсько.

Секытгес йӧтэ причёска лэсьтыны. Мон понна со «шыпыт ужас». Соин ик кема уг дауртӥськы — огшоры йырси пунэтэн ветлӥсько яке трос шпилькаен култышка лэсьтӥсько. Берпуметӥез, мон шуысал, мынэсьтым виымме пачкатэ ик. Бен кызьлэсь уно шпилькалэсь котькинлэн но йырыз жадёз.

Одӥгез эше та пумысен вера: котькыӵе причёска медло, чупаськыны гинэ медаз люкеты.

Берло дыре йырсие вылын эскеронъёс ортчытъясько. Ма гинэ уг кариськы: сугон кӧмын буясько, лавр куарен миськисько, вож чаен но лимон сокен гылтӥсько. Выронэз трос, со понна пиослэн мусо учкемзы бере воксё эзыласько! Лыдпусъёс верало: 94 процентэз воргоронъёс нылашез адӟемзы бере 3 секунд ӵоже чаклало солэсь йырсизэ.

Психоаналитик З. Фрейд малпамъя, кузь йырси нул-лӥсь нылкышноослэн тросгес луонлыксы вордыны таза пинал. Сыӵеосыз шоры ик ӵемгес учко воргоронъёс.

 

Индылонъёс:

♦ Йырсиез пӧртэм ӵыш-кисьёслы оскыны уг яра, быръёно капчи мылкыдо парикмахерез.

♦ Парикмахерское ветлоно будӥсь толэзь дыръя. Со вакытэ ӵышкиськид ке, йырсиед ӝог будоз.

Ольга Данилова.

Удмурт Дунне
By Удмурт Дунне 30 мая, 2012 10:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<