Югыт маен ӵош вуэ уж

Удмурт Дунне
By Удмурт Дунне 27 апреля, 2012 11:25

Югыт маен ӵош вуэ уж

Пичи Пургаысь нырысетӥ школаын дышетскисьёс урамез чылкытато.

Пичи Пурга черкогуртысь 1-тӥ школаын дышетскисьёс ӵужон-мажес кутӥзы ни. Школа котырзэс чылкытатыса, уно мешок жуг-жаг октӥзы.

Утялскон борды ваньмыз пичи пургаос басьтӥсько. Райцентрын чылкытатскон ужрадъёсты мытӥзы ни 19-тӥ апреле. Ужъёсты йылпумъяны малпало 1-тӥ маёзь.

Собере «Шунды» огазеяськонлэн Пичи Пурга ёзысьтыз егитъёс писпу мерттыны потозы, вераз «шундыослэн» азьветлӥсьсы Елена Пименова. Быдӟым Вормонлы соос кыкетӥ ползэ ортчытозы «Котьку сюлэмын» акция. Ожысь ветеранъёсын ӵош «шундыос» кылдытозы выль аллея — татчы мерттозы пужымъёс. Туэ удмурт нылъёсын-пиосын ӵош огъя уже кыткиськозы «Юность», «Национальный контакт» клубъёсысь егитъёс но волонтёръёс. Ужрад чакламын 5-тӥ майлы.

Елена Скворцова.

Удмурт Дунне
By Удмурт Дунне 27 апреля, 2012 11:25