Сиён-юон тырмыт

Удмурт Дунне
By Удмурт Дунне Апрель 10, 2012 10:12

Алигес Москваын ортчиз Гурт хозяйствоя министерстволэн коллегиезлэн паськытатэм кенешез. Отын кылем арын гурт удыслэн азинскемезлы йылпумъянъёс лэсьтӥзы.

Гурт хозяйствоя министр Елена Скрынник 2008-тӥ-2011-тӥ аръёслы йылпумъян лэсьтӥз. Кун программаосты улонэ пыӵатон вылысь агропромышленность удыслы висъяськиз 307 миллиард коньдон. Озьы сиён-юон дасян йылӥз 9,8 процентлы, ужазинлык ӝутскиз 15,6 процентлы, 25 процентлы будӥз сӥль поттон. Берло аръёсы сямен уг сины ни йӧл поттон — араз 32 миллион тонна люкаське.

Кенеше пыриськиз Удмурт Правительстволэн Тӧроезлэн воштӥсез Александр Коробейников но. Люкаськемъёсты со лыдпусъёсын тодматӥз. Гырон-кизён музъемъёсыныз республикамы Россиын 40-тӥ интыын сылэ. Озьы ке но шаермы быгатэ ӟеч тыршыны: йӧл поттонъя Удмуртия 13-тӥ интыын, скал уллёя — 18-тӥын, парсь йыръя — 19-тӥын. Гурт предприятиосмы берло 5 арзэ Россиын 2-тӥ интыын мыно котькуд адямилы ар ӵоже шорлыдын йӧл люкамзыя. Кунъя та лыдпус 222 килограмм ке, асьмелэн — 336 килограмм. Огъя йӧл поттонъя Удмуртия 10 устоосыз улосъёс пӧлын. 2014-тӥ арлы шаермы 710 сюрс тонна йӧл кыскыны чакла. Та лыдпус вормымон.

Иван Аркашев.

Удмурт Дунне
By Удмурт Дунне Апрель 10, 2012 10:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<