Пунэме кылёнъёс уг кулэсмо

Удмурт Дунне
By Удмурт Дунне 3 апреля, 2012 13:35

Та дырозь но ӧз йылпумъяське на «ИжАвто» заводлэсь азьвыл ваньбурзэ выль сямен радъян, коньдон ужъёссэ сэрттон-пертчон.

Завод выльысь ужаны кутскем бере конкурсъя быръемын вал выль кивалтӥсь Михаил Котов. Та вакытэ солэн полномочиосыз йылпумъяськыны кулэ вал ини. Но шаерысьтымы арбитраж суд та нуналъёсы пуктӥз: управляющийлэсь ужан дырзэ эшшо вить толэзьлы нуйтоно. Таин соглаш кариськиз ачиз М. Котов но. Со пусйиз: йылозяз-пумозяз вуттымтэ ужъёс заводын трос на. Кылсярысь, «ИжАвтолэн» азьвыл кивалтӥсьёсызлэсь «бервылъёссэс» утялтоно, заводлы кредит сётэм огазеяськонъёсын огкылэ вуоно, вуж ваньбурез вузано но огазеяськонлэсь ужзэ выль сямен радъяно.

Кызьы ивортӥз М. Котов, туннэлы 2 миллиард 36 миллион манет тыр ваньбур вузамын, со вие ик огазеяськонлэн кредиторъёсыз 163 пала. Соослы завод берыктыны кулэ ваньзэ-ӧвӧлзэ 14 миллиард 91 миллион коньдон.

Заводлэн пресс-службаез пусъемъя, 19-тӥ мартэ «ИжАвтоын» тыршисьёс выжизы нимысьтыз ужан график вылэ. Лада Гранта автомобилез поттыны дасяськись цехын ужасьёс сяна, кылемъёсыз арняяз 4 нунал ӵоже 7 часэн тыршо. Ужан дырзы кулэсмиз ке но, уждунзы вылын со уз шӧдӥськы, оскытӥз заводысь персоналэн кивалтӥсь Мухамед Беков.

Елена Тугашова.

Удмурт Дунне
By Удмурт Дунне 3 апреля, 2012 13:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<