Мылкыд кузьмазы Геняос

Удмурт Дунне
By Удмурт Дунне 10 апреля, 2012 10:25

1-тӥ апреле Удмурт кун филармониын учкисьёссэс шумпоттӥзы куинь Геняос — Удмурт шаерысьтымы дано артистъёс Геннадий Ганьков, Геннадий Бекманов но Геннадий Кузнецов.

Геннадийёс кӧня ке арзэ ини учкисьёссэс тазьы лӧпкытыны быгато. Куиньназы ик пӧртэм интыосын ужало: Ганьков — филармониын, Бекманов — Удмурт театрын, Кузнецов — фольклор кырӟанъя но эктонъя «Айкай» театрын. Кырœамзы сяна, герӟа на та куинь усточиосты анай-атаен сётэм нимзы. Баянэн, крезен шудэм сяна, куиньназы ик гуръёс малпало, кырӟанъёссэс асьсэос быдэсъяло.

Геннадийёслэсь концертсэс шулдыртыны лыктӥллям маскарчиос Александр Баймурзин, Александр Перевозчиков, Вячеслав Цветной. Учкисьёсты кӧтсы шуг луытозь серекъятӥзы на Геннадий Бекмановен Наталья Тур но: Геннадий — кырӟа, Наталья — эксэй кышно сямен котыртӥз гожеръя.

Кезьыт толэз келяса но шуныт тулысэз пумитаса, Геняосты ӟечкыланы Тол бабаен Лымы ныл лыктӥллям.

Концертэз нуись Людмила Чернова но залын пукисьёслы маза ӧз сёты — конкурс ялӥз: Геняослы сӥзьыса, кылбур гожтоно. Ӵошатсконэ уно гинэ калык пыриськиз. Соин вормисьёс но трос вал. Ваньзы соос ӝытысь кузьымъёсын но капчи мылкыдын бертӥзы.

Любовь Тихонова.

Удмурт Дунне
By Удмурт Дунне 10 апреля, 2012 10:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<