Кырӟатӥсь катлама

Удмурт Дунне
By Удмурт Дунне Апрель 3, 2012 13:50

Кырӟатӥсь катлама

Т. Симанова, П. Симанов, Л. Посадова.

Мылкыдмес капчи карон понна Серекъян нунал азьын шаньга сиён ортчытоно кариським. Куное вуылон пумысен мылкыдзэ соку ик вераз Пичи Пурга ёросысь Яган-Докья черкогуртысь Людмила Посадова.

Удмурт кун университетысь удмурт филологияя факультетэз йылпумъям дышетӥсь нылпиосты визьнода ӟуч кылъя но литературая. Нош анай кылынызы, удмурт калыклэн сям-йылолъёсыныз шаертодонъя урокъёсын гинэ тодматоно луэ. Людмила Михайловна сюлэмыз вӧсь луыса ик вера гуртсы ӟучомем пумысен, нылпиос анай кылзэс уг но поттыло, пе.

Но гуртысьтызы кенакъёсын сюлмысь вераськыса но кырӟаса пукон дыръёс Посадовалэсь мылкыдзэ шумпотто. «Лудорвай шаньга» ужрадэ но пыриськоно кариськизы. Таяз учыре арлыдоос редакцие лыктыны ӧз пӧрмытэ, кин висьыны усиз, кин ужезлэсь ӧз ваньмы. Но Лудорвайысь Гербер шулдыръяськонэ пӧраськонъёсын, кырӟанъёсын мыныны малпало ни.

Яган-докъяослэн нимынызы салам вайиз Людмила Посадова — катлама шаньгаен утялтӥз. Куарнянез быгыльтыса кутэм, картофкаен но кеньырен вӧлдэм шаньгаез пурга палан кин ке шаньга гинэ шуэ, кин ке — перепеч. Вань вылэм катлама нимасьёс но. Нош малы меда озьы шуиллям, тазэ Людмила Михайловна валэктыны шугъяськиз. Оло, лыдӟисьёс пӧлысь кин ке вераны быгатоз?

Яган-Докъяысь куномы огназ ӧз вуы. Пумиськонэз шулдыртӥзы Пурга черкогуртысь школаын ӵош дышетскем эшъёсыз, кузпалъёс Татьяна но Пётр Симановъёс. Кыксы но дасо арзэ ини кырӟало Пургалась калык хорын. Пётр Васильевич бадӟым машинаен ужа, ваньмон дыръёсаз удмурт кылбурчиослэн кылъёссыя кырӟанъёс пӧрмытэ. Нош Татьяна Алексеевна райпоысь бухгалтер, кузпалызлэсь гожтэм кырӟанъёссэ ӵошен ик быдэсто.

Гербер праздникъёсын «Удмурт дунне» газетлэн редакциез котьку ик аслэсьтыз азбарзэ радъя. Озьыен, шаньга-перепеч пӧрасьёс но, кырӟась-верасьёс но пичиен люкасько ни. Возьмаськом аспӧртэм пӧрамъёсыныды дэмланъёстэс, соосты печатлаломы «Берекет» бамын. Озьы ик ыстэлэ пӧрамъёсын герӟаськем такмакъёстэс, серемес веранъёстэс.

Лия Малых.

Удмурт Дунне
By Удмурт Дунне Апрель 3, 2012 13:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<