Пуштэм бервыл пумтэм…

Удмурт Дунне
By Удмурт Дунне 27 марта, 2012 09:54

Адямилэсь правооссэ утёнъя уполномоченной Михаил Кокорин кылем арын ужамезлы йылпумъянъёс лэсьтӥз.

— Ужмылы вылӥ дунъет пуктыны уг луы, — шуэ Михаил Константинович. — Кылем арын Пугачёво арсеналын пуштылонъёс луизы. Соин валче сюлмаськонмы трослы йылӥз. 4 сюрс вазиськонъёс пӧлысь 900-эз пуштылонъёсын герӟаськемын. Азьвыл аръёсы льготаос ласянь трос вазисько ке вал, туннэ та юан сокем лэчыт ӧвӧл ни. Уно вазисько мигрантъёс, улон инты ласянь шугъяськисьёс.

М. Кокорин аслэсьтыз малпанзэ шараяз: Россиын ортчытоно конференция, отчы мед пыриськозы кышкыт адӟонэн пумиськылэм регионъёс, министерствоос но ведомствоос. Конференциын сэрттоно-пертчоно, мар сыӵе дыръя кароно, кызьы со шуг-секытысь потоно. Странамы бадӟым бере, отын пӧртэм учыръёс кылдыны быгатозы.

Адямилэсь правооссэ утёнъя уполномоченнойлы вазиськыны луоз таӵе адресъя: Иж город, Октябрьлы 50 ар площадь, 15-тӥ юрт. Телефон: 91-31-21.

Любовь Тихонова.

Удмурт Дунне
By Удмурт Дунне 27 марта, 2012 09:54