Опочин Толик тодэ, мар кулэ

Удмурт Дунне
By Удмурт Дунне 28 марта, 2012 15:07

Опочин Толик тодэ, мар кулэ

Опочин Толя.

Учкымон, синмаськымон удмурт егитъёсмы ӧжыт ӧвӧл. Одӥгез сыӵеос пӧлысь — Алнаш ёросысь Ӟатча черкогуртысь Опочин Толя.

Школаын дышетскыкуз ай, со ассэ кизилиен возьматӥз ни: пӧртэм ужрадъёсы пыриськиз, классаз старосталэсь ужзэ быдэсъяз, машина нуллыны дышетскиз. Со сяна, кыӵе гинэ олимпиадаосы но конкурсъёсы ӧз пыриськы! Судомодельной спортъя ӵошатсконын нырысетӥ интые потӥз.

Толикен тодматскем бере валаськод: та пияш маке малпа ке, нокыӵе шуг-секытъёслэсь кышкатэк, быдэстэ сое. Сётэм кылзэ возьыны но калыкен огкыл шедьтыны быгатэ.

Школазэ йылпумъяса, Толя Казане ширтӥз, дышетскыны пыриз Исследованиосъя но технологиосъя университетысь  энергомашиностроениея факультетэ — мувӧй но чагыр эстӥськон поттонъя но сое возёнъя специальносте. Тае вераса, мынам кылы ик чигиськыны дась. Нош Толик сое верам гинэ ӧвӧл, дышетэ, тодэ, вала. Шуэ: дышетскон капчиен уг сётӥськы. Но удысэз солы кельше, соин ик лулысь-сюлмысь тодон-валанъёссэ муромытэ. Пияшез та удыс пичи дырысеныз ик бордаз кыскем, малпанзэ будыса но воштымтэ ни. Солы ярало дышетӥсьёсыз, эшъёсыз, Казаньлы но нырысетӥ нуналъёсаз ик синмаськем.

Кемалась ик ӧвӧл удмурт пияшлы оскиллям огъяулоннилэн старостаез луыны. Толялэн верамезъя, отын солы капчи мылкыдын вазисько. Котькыӵе выжыысь тон мед луод, егитъёс куспын вӧлмемын ог-огдэ гажан но дунъян.

Толя умой тодэ, мар солы улонын кулэ. Пуктэм ужпумъёсыз мудронэсь ӧвӧл — зэмос воргоронлэн кадь: нырысь дышетсконзэ њеч йылпумъяно, кельшымон уж шедьтоно, юн семья кылдытоно. Мон оскисько, солэн ваньмыз усто пӧрмоз.

Толяез гажасько на тани ма ласянь: бигеръёс пӧлын улыса но, уг возьдаськы удмурт луэмезлэсь. Удмуртъёсын пумиське ке, шатыр поттыса, анай кылыныз лабыртэ.

Лена Рябина.

Учкымон, синмаськымон удмурт егитъёсмы ӧжыт ӧвӧл. Одӥгез сыӵеос пӧлысь — Алнаш ёросысь Ӟатча черкогуртысь Опочин Толя.
Школаын дышетскыкуз ай, со ассэ кизилиен возьматӥз ни: пӧртэм ужрадъёсы пыриськиз, классаз старосталэсь ужзэ быдэсъяз, машина нуллыны дышетскиз. Со сяна, кыӵе гинэ олимпиадаосы но конкурсъёсы ӧз пыриськы! Судомодельной спортъя ӵошатсконын нырысетӥ интые потӥз.
Толикен тодматскем бере валаськод: та пияш маке малпа ке, нокыӵе шуг-секытъёслэсь кышкатэк, быдэстэ сое. Сётэм кылзэ возьыны но калыкен огкыл шедьтыны быгатэ.
Школазэ йылпумъяса, Толя Казане ширтӥз, дышетскыны пыриз Исследованиосъя но технологиосъя университетысь  энергомашиностроениея факультетэ — мувӧй но чагыр эстӥськон поттонъя но сое возёнъя  специальносте. Тае вераса, мынам кылы ик чигиськыны дась. Нош Толик сое верам гинэ ӧвӧл, дышетэ, тодэ, вала. Шуэ: дышетскон капчиен уг сётӥськы. Но удысэз солы кельше, соин ик лулысь-сюлмысь тодон-валанъёссэ муромытэ. Пияшез та удыс пичи дырысеныз ик бордаз кыскем, малпанзэ будыса но воштымтэ ни. Солы ярало дышетӥсьёсыз, эшъёсыз, Казаньлы но нырысетӥ нуналъёсаз ик синмаськем.
Кемалась ик ӧвӧл удмурт пияшлы оскиллям огъяулоннилэн старостаез луыны. Толялэн верамезъя, отын солы капчи мылкыдын вазисько. Котькыӵе выжыысь тон мед луод, егитъёс куспын вӧлмемын ог-огдэ гажан но дунъян.
Толя умой тодэ, мар солы улонын кулэ. Пуктэм ужпумъёсыз мудронэсь ӧвӧл — зэмос воргоронлэн кадь: нырысь дышетсконзэ њеч йылпумъяно, кельшымон уж шедьтоно, юн семья кылдытоно. Мон оскисько, солэн ваньмыз усто пӧрмоз.
Толяез гажасько на тани ма ласянь: бигеръёс пӧлын улыса но, уг возьдаськы удмурт луэмезлэсь. Удмуртъёсын пумиське ке, шатыр поттыса, анай кылыныз лабыртэ.

Удмурт Дунне
By Удмурт Дунне 28 марта, 2012 15:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<