Мыч кидэ!

Удмурт Дунне
By Удмурт Дунне 20 марта, 2012 09:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Мыч кидэ!

Эльвира Фадеева.

Егитъёсынымы данъяськыны та нуналъёсы эшшо одӥг муг кылдӥз: Ижысь медициная академиысь студенткаез Эльвира Фадееваез аслаз Указэныз туэ 3-тӥ мартэ сӥлы кариз Россилэн Президентэз Дмитрий Медведев. Медициная академиын лечебной факультетын нырысетӥ курсын дышетскись нылаш пусъемын «За спасение погибавших» медален.

Фадеевъёслэн семьяязы бадӟым шумпотон-данъяськон вуиз шуыса, уг тодо на вылэм Эльвиралэн эшъёсыз но, дышетӥсьёсыз но, ӵыжы-выжыосыз но. Востэм апоклэн ушъяськемез уг поты кӧня ке ар талэсь азьло луэм учыр пумысен. Журналистъёслэн нылашез утчаменызы сэрен гинэ шараяськиз подвигез.

— Со учыр вал мыным 15 арес дыръя, — тодаз вае Эльвира. — Шутэтскон нуналъёсы эшъёсыным ӵош ширтӥмы «Нечкино» спорткомплексэ куасэн нискыланы. Адӟемды, оло, вань: гурезьёс отын ӝужытэсь но туж кузесь. Соос йылэ калыкез тубытэ фуникулёр. Мон солэн пуконаз интыяськи, вӧзам 9 аресъем пияш пуксиз. Улӥе учкыны ик кышкыт — сокем вылӥетӥ ширтӥськомы. Кызъёс ик пичи адœисько. Учкисько но вӧзам пукисе гылӟыны кутскиз — пуконэз угось йӧкурамын вал. Кызьы сое китӥз кутыса вуттӥ на! Мугорыз омырын шонаське ни вал! Озьы сое кӧня ке минут ӵоже кутыса вози. Шӧдӥсько: ачим но уллань гылӟыны кутски. Тани, малпасько, кыкнамы но кызъёс вылэ усёмы. Берпум кужымме поттыса, пияшез кутыса вози на. Ӝоген со но катьтэммиз. Мон но воксё усыкми. Киосмы лэзиськизы… Пияш улӥе лобиз. Но со вакытлы ми вылӥын ӧй вал ни, соин ик со ӧз сӧсырмы. Нош кызъёс вылэ усьысал ке! Малпаны ик кышкыт. Со пияш Ижын улэ, школае ветлэ. Кышкыт учыр бере ми соин эшъяськимы. Соослэн семьяязы мон котьку но дуно куно.

Пияшез утемзэ Эльвира подвиген уг лыдъя. Лэсьтӥ озьы, кызьы мон интыын лэсьтысал котькудӥз. Та кылъёсыз пумысен эшъёсыз соин споръясько: тросэз-а дӥсьтысалзы шуг-секытэ шедем муртэ утьыны, асьсэлэн улонзы сярысь вунэтыса? Пияшлэн семьяез Эльвиралы тау кариз: нылашез дано медален пусйыны курыса, Россилэн Президентэзлы Дмитрий Медведевлы вазиськиз.

Эльвира — вуоно эмъясь. Ижысь медициная академие ас мылкыдызъя пыриз. Быръем удысэз туж кельше. Адямиослы юрттыны тыршон солы пичи дырысен пыӵамын ни угось — озьы будэтӥзы анай-атаез. Нялтас вераса, Эльвира вордскиз Германиын. 1996-тӥ арын анаеныз берытскиз Удмурт шаере, улыны интыяськизы Нечкино гуртэ.

Елена Никитина.

Егитъёсынымы данъяськыны та нуналъёсы эшшо одӥг муг кылдӥз: Ижысь медициная академиысь студенткаез Эльвира Фадееваез аслаз Указэныз туэ 3-тӥ мартэ сӥлы кариз Россилэн Президентэз Дмитрий Медведев. Медициная академиын лечебной факультетын нырысетӥ курсын дышетскись нылаш пусъемын «За спасение погибавших» медален.
Фадеевъёслэн семьяязы бадӟым шумпотон-данъяськон вуиз шуыса, уг тодо на вылэм Эльвиралэн эшъёсыз но, дышетӥсьёсыз но, ӵыжы-выжыосыз но. Востэм апоклэн ушъяськемез уг поты кӧня ке ар талэсь азьло луэм учыр пумысен. Журналистъёслэн нылашез утчаменызы сэрен гинэ шараяськиз подвигез.
— Со учыр вал мыным 15 арес дыръя, — тодаз вае Эльвира. — Шутэтскон нуналъёсы эшъёсыным ӵош ширтӥмы «Нечкино» спорткомплексэ куасэн нискыланы. Адӟемды, оло, вань: гурезьёс отын ӝужытэсь но туж кузесь. Соос йылэ калыкез тубытэ фуникулёр. Мон солэн пуконаз интыяськи, вӧзам 9 аресъем пияш пуксиз. Улӥе учкыны ик кышкыт — сокем вылӥетӥ ширтӥськомы. Кызъёс ик пичи адœисько. Учкисько но вӧзам пукисе гылӟыны кутскиз — пуконэз угось йӧкурамын вал. Кызьы сое китӥз кутыса вуттӥ на! Мугорыз омырын шонаське ни вал! Озьы сое кӧня ке минут ӵоже кутыса вози. Шӧдӥсько: ачим но уллань гылӟыны кутски. Тани, малпасько, кыкнамы но кызъёс вылэ усёмы. Берпум кужымме поттыса, пияшез кутыса вози на. Ӝоген со но катьтэммиз. Мон но воксё усыкми. Киосмы лэзиськизы… Пияш улӥе лобиз. Но со вакытлы ми вылӥын ӧй вал ни, соин ик со ӧз сӧсырмы. Нош кызъёс вылэ усьысал ке! Малпаны ик кышкыт. Со пияш Ижын улэ, школае ветлэ. Кышкыт учыр бере ми соин эшъяськимы. Соослэн семьяязы мон котьку но дуно куно.
Пияшез утемзэ Эльвира подвиген уг лыдъя. Лэсьтӥ озьы, кызьы мон интыын лэсьтысал котькудӥз. Та кылъёсыз пумысен эшъёсыз соин споръясько: тросэз-а дӥсьтысалзы шуг-секытэ шедем муртэ утьыны, асьсэлэн улонзы сярысь вунэтыса? Пияшлэн семьяез Эльвиралы тау кариз: нылашез дано медален пусйыны курыса, Россилэн Президентэзлы Дмитрий Медведевлы вазиськиз.
Эльвира — вуоно эмъясь. Ижысь медициная академие ас мылкыдызъя пыриз. Быръем удысэз туж кельше. Адямиослы юрттыны тыршон солы пичи дырысен пыӵамын ни угось — озьы будэтӥзы анай-атаез. Нялтас вераса, Эльвира вордскиз Германиын. 1996-тӥ арын анаеныз берытскиз Удмурт шаере, улыны интыяськизы Нечкино гуртэ.

Удмурт Дунне
By Удмурт Дунне 20 марта, 2012 09:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<