Кытын удмурт гожъяськисьёс?

Удмурт Дунне
By Удмурт Дунне 14 марта, 2012 11:57

Удмуртиысь Писательёслэн огазеяськонзы кылем арлы йылпумъянъёс лэсьтӥз. Туннэ нуналлы отчы пыре 82 гожъяськись: удмуртъёс, ӟучъёс, бигеръёс.

Гожъяськисьёс эшъёссэс Анатолий Перевозчиковез но Николай Кузнецовез юбилеенызы ӟечкылазы. Ортчем ар ӵоже творчество удысын бадӟымесь вормонъёсыз понна 25 сюрс манет премиен пусъемын ӟуч кылбурчи Василий Глушков. Азьпалан таӵе премия арлы быдэ сётӥськылоз.

Писательёслэн огазеяськонзылэн тӧроез Егор Загребин пусйиз: огазеяськонамы трос гожъяськисьёсты кутӥськомы, но соослэсь ужъёссэс адӟыны уг луы, угось туала арын книгаез озьы гинэ поттыны уг луы. Шумпоттэ соиз: Россиын потӥсь «Литературная газетаын» кылем арын печатласькизы Татьяна Чернова, Алексей Ельцов, Василий Глушков, Ульфат Бадретдинов, Егор Загребин, Вениамин Ившин.

Ар ӵоже 24 книга поттэмын. Лыдӟисьёсын уно презентациос, пумиськонъёс ортчытъямын. Пусйытэк кельтыны уг луы Эгра ёросысь Сэп гуртын Афанасий Лужанинлэсь вордскемез дырысен 100 ар тырмонзэ пусъёнэз. Пьеса гожъясьёс куспын кылем арын ялэмын вал «Мынам Удмурт шаере» конкурс. Вормисьёс радэ потӥзы драматургъёс Анатолий Григорьев но Егор Загребин.

Музон городъёсысь гожъясьёслы саклык висъяно шуыса куронэн вазиськизы Глазов палась писательёс. Ортчытъяно, пе, ми дорын но пумиськонъёс, калык соосты возьма.

Нош тодосчи но писатель Василий Ванюшев туала удмурт егитъёслэн улон шоры учкемзы но гожъяськемзы пумысен паймемзэ вераз. Соос, пе, олокытчы но вутско. Шумпоттӥз «Удмурт дунне» газетлэн литературалы сӥзем номерез.

Союзэ кутэмын 6 гожъяськисьёс: Ольга Ляпунова, Вера Красновская, Ада Диева, Серафима Пушина-Благинина, Рашида Касимова но Василий Черепанов. Жаляса верано, удмурт гожъяськисьёс писательёслэн радазы арлы быдэ ӧжытгес но ӧжытгес пыро.

Любовь Тихонова.

Удмурт Дунне
By Удмурт Дунне 14 марта, 2012 11:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<