Аслаз ымнырыз мед луоз

Удмурт Дунне
By Удмурт Дунне 14 марта, 2012 12:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Аслаз ымнырыз мед луоз

15-тӥ тулыспалэ вордӥськиз газетмылэн выль «нылпиез» — «Ингож». Соин тодматскемзы бере лыдӟисьёсмылэн пӧртэм мылкыдъёссы кылдӥзы. Ас малпанзэс верало книга, журнал, газет поттонэн герӟаськем адямиос.

 

Ульфат Бадретдинов, «Кизили» журналлэн валтӥсь редакторез:

— Литературалы сӥзем номер поттыны кутскемды понна шумпотӥ. Малпасько, со лыдӟисьёсты ас бордаз кыскоз. Литературной номерлэн дизайнэз мыным ӧз кельшы.

Но та номерлэн прозаикъёсын, кылбурчиосын ӵош критикъёс но мед потылозы вылэм. Егит авторъёс но, тодмо писательёс но отчы мылысь-кыдысь мед гожъясалзы.

 

Егор Загребин, Удмуртиысь Писательёслэн огазеяськонзылэн тӧроез:

— Мае мынам адӟеме потэ та газет бамъёсысь? Нырысь ик, литератураен герӟаськем ужпумъёсты сэрттон-пертчонэз. Шедьтэ-а аслэсьтыз лыдӟисьёссэ удмурт книга? Луэ-а тупатъяны-выльдыны классикъёсты? Тани шуом, выль книга потӥз, сое эскерон радъяськиз — та одно ик газет бамын адскыны кулэ.

 

Пётр Захаров, «Инвожо» журналлэн валтӥсь редакторез:

— Мон малпасько, газет вакчи иворъёсын потаны кулэ. Соос синэз мед кыскозы, ческыт луозы (твиттер-принцип выллем). Бадӟым лыдӟет — со бадӟым проблема, сое журналын сэрттоно-пертчоно. Литературной газетлэсь мон кышкасько. Угось литература — со туннэ нуналлы гинэ тупась маке ӧвӧл. Уз тэры со газетэ! Озьы ке но историын трос сыӵе учыръёс, куке бадӟым писательёс газетысен кутскизы, шуом, Чарльз Диккенслэсь ик «сериалъёссэ» тодамы ваёмы.

Али газет «йырсазез пуштытъяны», йырез малпаськытыны дышетыны кулэ. Мукет ласянь, газетэз ӝутыны луысал ас бордазы кыскись лыдӟоно макеосын.

 

Пётр Куликов, «Кенеш» журналлэн валтӥсь редакторез:

— «Удмурт дунне» дуре писательёсты кыскон — туж умой маке. Литературая ватсэтлэн кылдэмез мынам тодам вайытӥз, кызьы вазен аръёсы «Советской Удмуртиын» «Италмас», «Тулкым» бамъёс печатласькылӥзы. Со бордын газетын ужась писательёс тыршизы. Азьвылзэ тодэ ваёно ке, мӧйы писательёсмы котькуд гожтэм кылзы понна кеӵ-маӵ выро, сэмберъясько вал. Соин ик мон классик луэм писательёсыз ӧй тупатъялля. Гожъяськонлэсь зумытсэ егитъёс но мед валалозы вылэм. «Ингож» талы юрттоз кожасько.

 

Надежда Лопатина, «Ӟечбур!» газетлэн валтӥсь редакторез:

— Табере газет бамысь прозаез но, драматургиез но ӵемгес адӟом шуыса оскон вань. Пӧртэм жанрен гожтэмъёсыз лыдӟем потэ. Литературая кружок нуисьёслы кыл сётылоно. Умой вылэм, «Ингожлэн» аслаз «котырес ӝӧкез» но луысал ке. Выль адямиосыз, авторъёсыз тросгес поттано, соосын тодматылоно. Озьы ик выль книгаен тодматскон котькуд номерын ик мед луоз вылэм.

Удмурт Дунне
By Удмурт Дунне 14 марта, 2012 12:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<