Ӟеч сиёнмес тодо Москваын но

Удмурт Дунне
By Удмурт Дунне 10 февраля, 2012 10:21

8-тӥ феврале Правительстволэн юртаз сӥё-дано ӟечкылазы «Бренд Удмуртии-2011» конкурсын вормисьёсты. Та ӵошатскон шаерамы 9-тӥзэ ортчиз.

Ӵошатсконэ пыриськизы сиён-юон поттон, капчи промышленность, машина лэсьтон, калыклы юрттэт сётон но калыкез сюдон удысъёсысь 80 предприятиос но огазеяськонъёс. Соос пӧлысь вормисьёсын лыдъямын 51-ез. 2010-тӥ арын вормизы вал 42 предприятиос.

Вормисьёсты ӟечкылазы но данъян дипломъёс, кузьымъёс сётӥзы Правительстволэн Тӧроез Юрий Питкевич но вуз каронъя но калыклы юрттэт сётонъя министр Пётр Пономарёв.

Пётр Парфельевич верамъя, туэ, та ужрадэ нырысьсэ пыриськыса, вормисьёс пӧлы сюризы Ижевскысь «АкваАргентум» огазеяськон, нимаз ужбергатӥсьёслэн Наталья Поповалэн но Антонина Дулисовалэн предприятиоссы. Сарапул ёросысь вань гурт предприятиос араз 20 сюрс тонна йӧл кыско. Со пӧлысь 4 сюрс тоннаез луэ А. Дулисовалэн фермаысьтыз. 3 ар ӵоже та ужбергатӥсьлэн «Нечкино-молоко» йӧлыз быдэс республикаын тодмо луиз. Басьяськисьёс синмаськемын отын поттэм кефирлы но йогуртлы.

Котькуд аре сямен ик, туэ но конкурсын вылӥ дунъет сётэмын «Ижмолоко», «Восточный», «Сактон», «Гамбринус» акционер огазеяськонъёслы.

Юрий Питкевич, конкурсэз йылпумъяса, шуиз:

— Удмуртиысь предприятиос шонер сюрестӥ мыно. Тае валано соя: асьме дорын поттэм сиён-юонэз ӟеч тодо ини Москваын но.

Иван Аркашев.

Удмурт Дунне
By Удмурт Дунне 10 февраля, 2012 10:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<