Юрттэт луоз

Удмурт Дунне
By Удмурт Дунне Февраль 10, 2012 07:45

Кылем арын Каракулино ёросысь кӧня ке мыло-кыдоос дасязы кеч вордонъя проект. Сое умоен лыдъяз Удмуртилэн Президентэз Александр Волков. Нош таяз арня вискын со тодматскиз «Русич» огазеяськонлэн кеч фермаеныз.

Каракулиноысь пудо вордӥсьёс выль хозяйство усьтӥзы Арзамасцево черкогуртлэн аналтэм парсь вордон комплексаз. «Русич» гурт предприятилэн кивалтӥсезлэн Сергей Парфёновлэн верамезъя, али фермаын 500 йыр кеч, со пӧлысь 60-зэ кыско ни. Али нуналаз 80 килограмм йӧл люкаське, но азьланяз со 4 тоннаозь вуттэмын луоз.

Одӥг литрез 60 манет сылэ ке но, шаерамы улӥсьёс сое мылысь-кыдысь басьто. Москваын — отчы но вуэ ни Каракулиноысь кеч йӧл — 120 манет сылэ. Гуртоослэсь та проектсэс улонэ быдэсак пыӵатон понна кулэ 60 миллион манет.

— Ми юрттом тӥледлы, — шуиз Александр Волков. — Малы ке шуоно тӥ выль ужан интыос кылдытӥды но аналтэм юртъёсты уже кутӥды.

Иван Аркашев.

Удмурт Дунне
By Удмурт Дунне Февраль 10, 2012 07:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<