Чурыт сюлэм

Удмурт Дунне
By Удмурт Дунне 15 февраля, 2012 11:11

Улэм-вылэм одӥг сукыр ныл, адӟисьтэм луэмез понна ассэ туж адӟемпотостэм каре вылэм.

Одӥг пи нуналлы быдэ вӧзаз пукылэм, мадьылэм, макем чебер та дунне. Эшъёс луиллям. Огпол ныл эшезлы тазьы верам:

— Та дуннеез адӟысал ке, тыныд бызьысал.

Огнуналэ почта нуллӥсь сукыр ныллы гожтэт ваем: кин ке тодмотэм мурт солы синъёс кузьма, операция понна дун но тыре, пе. Ныл шумпотыса соглаш кариськем. Син вылысьтыз бинетэз басьтэмзы бере анай-атайзэ, сузэр-вынъёссэ, быдэс дуннеез адӟем: операция удалтэм.

Дораз бертэм бере эшеныз адӟиськыны мынэм.

Пи солэсь юам:

— Табере быдэс дуннеез адӟиськод ни ке, бызёд-а мыным?

Ныл, пи шоры учкыса, солэсь сукыр луэмзэ адӟем. Кынем синкабакъёсызлы абдрам. Быдэс улонзэ таин тазьы улоно луоз шуыса, чик кельшымтэ, пилы «уг» шуэм. Эшъяськонзылы но пум вуиз шуыса ивортэм. Ныллэн улонэз табере чылкак воштӥськем. Пи чусак гинэ синвуаськем, кӧня ке нунал ортчыса, ныллы гожтэм: «Умой утьы синдэ, тынад луэмзылэсь азьло мынам синъёсы вал со».

Робби Лоу гожтэмъя, 

мадьяр кылысь берыктӥз

Анастасия Demeter-Петрова

Удмурт Дунне
By Удмурт Дунне 15 февраля, 2012 11:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<