Ческыт лыдӟиськом!

Удмурт Дунне
By Удмурт Дунне 29 февраля, 2012 08:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ческыт лыдӟиськом!

7-тӥ феврале Ижысь Fashion клубын ортчиз Dart газетлэн 1 ар тырмонэзлы сӥзем ӝыт. Шулдыръяськон сяна, егитъёсты герӟаз котырес ӝӧк — туала удмурт прессалы сӥзем вераськон.

«Удмурт дунне» газетлэн, «Инвожо» журналлэн валтӥсь редакторъёссы, Ижкарысь «Твиэкспедиция» (пӧ­ртэм культура ужрадъёсы потась огин) но вань мылкыд карисьёс быгатӥзы шугъяськытӥсь юанъёссэс ку­ль­­турая, печатья но иворъёсъя министрлэн воштӥсезлы Сергей Васильевлы пырак сётыны. Кенешон удалтӥз: люкаськемъёс уно гинэ кенешизы, валэктонъёс утчазы. Кызьы егитъёсты печатлам кыл борды кысконо? Кызьы удмуртсэ туала кароно? Кызьы асьме лулчеберетмы сярысь вань дуннелы ивортоно?

Пумиськон бере егит блоггер Чимали вотэсбамаз гож­тӥз: «Асьме культурамы но кылмы быризы ке, татын нокин виноват уз луы. Асьмеос номыр ќм ке каре, нокыӵе кивалтэт уз юртты. Ваньмыз калык бордысен кутскыны кулэ…»

Валамон одӥгез: удмурт журналъёс-газетъёс возисько удмурт кылэз гажасьёс вылын! Тӥ, гажано лыдœисьёсмы, кулэсмиськоды ке, милям но ужмы юнме луэ. Шумпотымон, «Дарт» газетмес выль сямен малпаськись егитъёс понна лэсьтӥськом шуыса. Ми тыршиськом тӥ понна!

Лыдӟисьёсмылэн улонзы чес­кыт мед луоз шуыса, люкаськемъёсты нимысьтыз «Дарт» тортэн куноятӥм. Чечымез веръян понна подписка но радъямы. Озьы ӝыт ӵоже эшшо кӧня ке выль эш шедьтӥмы. Нош мылкыдэз капчиятӥзы егит удмурт кырӟасьёс: Иван Белослудцев, Юлия Волкова, Анатолий Галиханов но мукетъёсыз. Вордскем нуналэныд, Dart! Ческыт мед лыдӟиськом!

Дарали Лели.

Удмурт Дунне
By Удмурт Дунне 29 февраля, 2012 08:54