Нуны бӧрдэмлы шумпото… кивалтӥсьёс

Удмурт Дунне
By Удмурт Дунне 10 февраля, 2012 07:42

Толон Россилэн Президентэз Дмитрий Медведев пумиськылӥз Удмуртилэн Президентэныз Александр Волковен. Кенешон дыръя Д. Медведев юалляськиз шаерамы улӥсьёслэн лыдзы но нылпи садъёсын интыосты будэтон пумысен.

Александр Волков ивортӥз, 2009-тӥ арысен республикаямы улӥсьёслэн лыдзы йылэ шуыса — Приволжск федерал округын асьмеос нырысетӥ интыын мынӥськом. Кылем арын Удмуртиын вордскиз 21 сюрс 961 нуны. Таин валче шаерамы улӥсьёс уг ни кулэсмо — оглом 1 571 муртлы тросгес луимы. Таяз аре но вордскисьёслэн лыдзы шумпоттэ ни — январе вордскиз 1 786 пинал.

Тэшкылиослэн лыдзы йылэмен ӵош кылдэ нылпи садъёс пумысен сюлмаськон. 2006-тӥ арысен садъёсы ветлӥсь покчиослэн лыдзы будӥз 10,8 процентлы. Туннэ 1,5-3 аресъем нылпиос пӧлын садэ инты возьма 13 сюрс 524 мурт, 3-7 аресъемъёс пӧлын — 1 549 нылпи. Но уж огинтыяз уг сылы. Али Удмуртиын ужа 876 нылпи сад — 2006-тӥ арен ӵошатоно ке, та юртъёс 24-лы тросгес луизы. Уго ӝутӥсько выль юртъёс, мукет садъёсын ватсаса усьтӥсько группаос. Соос чотын нылпи садъёсын 6 сюрс 902 интылы тросгес луиз.

Таӵе югдурез ӟечен лыдъяз Президент Дмитрий Медведев, кутскем ужъёсты азьланяз но быдэсъяно, шуиз. Тунсыкъяськиз вылӥ кивалтӥсь Пичи Пурга районын пуштылонъёсын валче сюлмаськонъёсын но. Александр Волков тодматӥз лэсьтӥськон ужъёслэн мынэменызы но, кылдӥсь шуг-секытъёсын но. Дмитрий Медведев тазэ ужпумез йылпумъяськытозяз сак чакланы куриз.

Вераськон мынӥз выль уж интыос кылдытон сярысь но. А. Волков тау кариз Д. Медведевлы Сарапулысь радиозаводын кылдэм югдурез сэрттыны-пертчыны юрттэмез понна. Та предприятиын сяна, туннэ выль ужан интыос вань автозаводын но, «Ижмашын» но. Ужтэк кылемъёслэн лыдзы Удмуртиын 1,7 процент. Дмитрий Медведев ватсаз, ужан интыос эшшо тросгес луыны кулэ покчи но шоро-куспо ужбергатон азинскемен валче.

Сергей Захаров.

Удмурт Дунне
By Удмурт Дунне 10 февраля, 2012 07:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<