Кылбуръёс

Удмурт Дунне
By Удмурт Дунне 15 февраля, 2012 10:43

Кылбуръёс

Татьяна Щёткина

* * *

Шуныт йӧл, атас мотор,

Лыз инбам, ненег гуждор,

Кӧльыостэк ветлонни —

Гуртысь ӵук улонни.

Шимес будильник, шуш куара,

Кофе пӧсь, ӝикыт дэра,

Котыр сигнализация —

Эх… цивилизация!

 

* * *

Коркалэн липет йылаз,

Мур колодчаын,

Марьялэн корт ведраяз,

Кезьыт ву пыдсын,

Шуныт йӧлын кружкаяд,

Юн кенер сьӧрын,

Помидорен убояд,

Пересь книгаын,

Чонарилэн вотэсаз,

Вож турын пушкын,

Адямилэн вӧтъёсаз,

Пилемъёс вискын.

Кытын улыны кылдоз?

Кыӵе интыын?

Кытчы улонэ вуттоз?

Ӧвӧл верамын.

 

* * *

Секыт нунал. Вуэ уй.

Адямиос изё… 

Пеймыт уй. Тӧдьы лымы.

Уйвӧтъёс гылӟо. 

Чиль толэзь. Витьтэк дас кык.

Ӝоген уйшор. 

Лушкем дыр. Ӵаж кезьытлэсь

куалекъя борддор. 

Кезьыт уй. Шуныт койка.

Тӧлпери ньылэ дорез. 

Уйшор-уй. Борддорысь час

азьланьтэ дырез. 

Дыр кошке. Вордске ӟардон.

Сайкиське мугор. 

Каллен, дыртытэк

сэрттӥське бугор…

 

* * *

Одӥгзэ яратӥ,

Мукетсэ гажай,

Толлозэ вунэтӥ,

Туннэзэ алдай.

Одӥгез ӧз яраты,

Мукетыз кошкиз,

Толлоез ӧз кельшыты,

Туннэез ышиз.

Удмурт Дунне
By Удмурт Дунне 15 февраля, 2012 10:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<