Курегпуз дунояз, картош дунтэмаз

Удмурт Дунне
By Удмурт Дунне 10 февраля, 2012 10:17

Удмурт Республикаысь Правительство эскериз 2011-тӥ арын ньылетӥ кварталэ улыны тупатэм минимумлэсь быдӟалазэ. Шаерысьтымы котькуд адямиез лыдэ басьтыса, со луиз 5 сюрс 277 манет, ужасьёслы — 5 сюрс 663 манет, пенсионеръёслы — 4 сюрс 136 манет, пиналъёслы — 5 сюрс 152 манет.

Ужъя министрлэн воштӥсезлэн Надежда Губскаялэн пусъемезъя, кылем арын куинетӥ кварталэ улыны тупатэм минимум 5 сюрс 388 манетозь ӝутскылӥз, нош ньылетӥ кварталэ куд-ог сиён-юонъёслэсь дунъёссэс кулэстэм бере со 111 манетлы ичиёмиз.

Удмуртстатлэн лыдпусъёсызъя 2011-тӥ арын ньылетӥ кварталэ, азьвылэныз ӵошатыса, сиён-юонъёс пӧлын дунъёс будӥзы: скал сӥльлы — 8,8 процентлы, курегпузлы — 20,3 процентлы, сылалтэм сельдь чорыглы — 11,5 процентлы. Таин ӵош ик усизы дунъёс: сакыр песоклы — 20,9 процентлы, чабей пызьлы — 6,8 процентлы, тарилы — 49,3 процентлы, вермишельлы — 4,9 процентлы, кӧжылы но фасольлы — 10,2 процентлы.

Кылем гужем Удмуртиын удалтӥзы бакча сиёнъёс. Соин азьвыл ик тодмо вал ни: ар пумын соослы дунъёс кулэсмозы. Озьы ик луиз. Картош дун кулэсмиз 51,4 процентлы, кубиста — 30,5 процентлы, сугон — 37 процентлы, ӵужкушман — 35,7 процентлы.

Озьы ужась калыклы улыны тупатэм минимумлэн быдӟалаез ичиёмиз 121 манетлы, пенсионеръёслэн — 87 манетлы, пиналъёслэн 101 манетлы, яке ваньмыз ик 2 процентлы.

Иван Аркашев.

Удмурт Дунне
By Удмурт Дунне 10 февраля, 2012 10:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<