Кин эскероз Гердэз?

Удмурт Дунне
By Удмурт Дунне 28 февраля, 2012 07:44

29-тӥ феврале 10 часысен Ижысь Эшъяськон юртын кутскозы Герд лыдӟонъёс. Шаерамы соос 16-тӥзэ радъясько ни. Таиз ужрад сӥземын луоз К. Гердлэсь улонзэ но творчествозэ эскеронлы. Отчы пыриськозы шаерысьтымы тодмо удмурт тодосчиос, студентъёс, школаын бадӟым классъёсын дышетскисьёс, «Удмурт кенеше» но мукет общественной движениосы пыриськисьёс.

Люкаськемъёслы докладъёссэс лыдӟозы филология наукаосъя кандидатъёс Александр Шкляев, Людмила Бусыгина, Алевтина Камитова, Алексей Арзамазов, Евгения Сундукова, филология наукаосъя доктор Василий Ванюшев но К. Герд нимо гимназиын дышетскись Владимир Гурьянов.

Ужрад дыръя ик пусъемын луозы ортчем ар понна К. Герд нимо премилэн лауреатъёсыз. Та сиё-дано ним сётӥськоз Историяя, кылъя но литературая удмурт институтлэн директорезлэн воштӥсезлы, история наукаосъя докторлы, профессорлы Галина Никитиналы но УДГУ-ысь этнокультурая лабораторилэн кивалтӥсезлы, педагогика наукаосъя кандидатлы Валентина Ившиналы.

К. Герд нимо лыдӟонъёсы лыктыны быгатозы вань мылкыд карисьёс.

Елена Васильева.

Удмурт Дунне
By Удмурт Дунне 28 февраля, 2012 07:44