Одӥг нунал но пайдатэм уг ортчы

Удмурт Дунне
By Удмурт Дунне Январь 27, 2012 10:46

Одӥг нунал но пайдатэм уг ортчы

Зямбай фермаысь скал кыскисьёс но зоотехник А. Бахтияров.

Мичурин нимо эштос — Вавож ёросын гинэ ӧвӧл, быдэс шаерамы одӥгез кужмоез, ӝог но зол азинскисез гурт хозяйство. Татчы арлы быдэ дышетскыны ветло элькунысьтымы гурт удысысь хозяйствоослэн кивалтӥсьёссы. Угось татысь гинэ адӟод кунгож сьӧрысь басьтэм техникаез, роботъёсын фермаез. Татын кылдытэмын умоесь ужан условиос, шӧдӥське гурт калык сярысь сюлмаськон. Зямбайёс сярысь шуо: мушъёс кадь тыршисесь, кулэ луиз ке, гурезез но берыктозы.

Кытысь сыӵе ужан мылкыд потэ? Кызьы соос Кубаньын кадь удалтэм ю-нянь будэто? Эштослэн вормонъёсыз герӟаськемын кузёзылэн Валентин КАЛИНИНЛЭН сюлмаськеменыз, гурт удысэз ӟеч валаменыз. Со та хозяйствоен 42 ар кивалтэ ни. Котьку одӥг малпанэн улэ: эштос ялан азинскыны кулэ.

В. Е. Калининлы сётэмын Удмуртиысь гурт удысысь дано ужась ним, Удмуртилэн Кун премиез. Валентин Егорович луэ Удмуртилэн дано гражданинэз но Вавож ёрослэн дано адямиез. Пусъемын «Знак Почёта», Трудовой Горд Знамя орденъёсын, ВДНХ-лэн азвесь медаленыз но «За заслуги перед Отечеством» I но II степенё орденлэн медальёсыныз.

Фермаысь оператор С. Степанов.

— Валентин Егорович, музъем котьку вал крестьян калыклэн сюдӥсез но вордӥсез.

— Туж шонер. Кин музъем ужез умой радъяны быгатэ, со уг быры, уг куашка. Ми но одӥг арскын таӵе ӟеч экономикае ӧм вуэ. Ноку уд вунэты 70-тӥ аръёсты. Хозяйствоын югдур туж секыт вал. Пудо огшоры липет улын улӥз — гидъёс ӧй вал. Араз скаллы быдэ 1-2 сюрс килограмм йӧл кыскылӥм. Техникамы йӧскадь ӧй вал. Котькуд гектарысь 5-7 центнер ю тысь кутсаллям, нош картофка 70 центнер копаллям. Куро палэнысь вагонъёсын вайылӥм… Но ваньзэ вормим. Арысь аре пичиен-пичиен вамышъёс лэсьтӥм музъем ужын но, пудо вордонын но.

Тӥни сыӵе вал ужаны кутсконэ. Табере ми тодмантэм воштӥським котыр ласянь. Ушъяськытэк верало: кылем арын котькуд гектарысь шорлыдын 40 центнер ю тысь кутсам, нош сезьымы 49,6 центнер люкаськиз. Озьы ик чебер вал йыды но кӧжы. Сю гектар вылын картофка будэтӥм, котькудысьтыз 300 центнер пала копам. Кушманмы 614 центнер шедиз, нош жалем кукуруза — 465 центнер. Тырмыт дасямын ӟеч пудо сиён: зернофураж 3 сюрс тонна, турын но силос одӥг но ӝыны арлы тырмымон.

Хозяйствомы пичи ӧвӧл: музъеммы 4 сюрс гектар ёрос, со пӧлысь гыроно-кизёноез — 3 сюрс 708 гектар. Ю-нянь будэтӥськом 1 сюрс 470 гектар вылын, нош пудо сюдон культураосмы 2 сюрс гектар котыр люкасько. Кылем арын 5 сюрс 848 тонна ю тысь поттӥм, картофка — 3 сюрс тонна пала. Со лыдпусъёсты вераны гинэ капчи, нош кӧня кужымзы отчы понэмын механизаторъёслэн, шор ёзо кивалтӥсьёслэн но специалистъёслэн. Ваньмызлы тау карисько.

Эштос кемалась юнэсь кусыпъёс возе Ижысь гурт удысъя кун академиен. Со но милемлы юрттэ арысь аре выль вормонъёс басьтыны. Берло дыре котькуд гектарысь шорлыдын 35-36 центнер ю тысь кутсаськом, скаллы быдэ араз 6 сюрс килограммлэсь уно йӧл кыскиськом. Хозяйство табере племзавод но семхозяйство луиз ни. Пинал пудомес но кидысмес элькунысь хозяйствоос умой басьто.

Пилорамаын ужасьёс.

Берло дыре ми зэм но бадӟым саклык висъяськом музъем ужан культураез ӝутонлы. Та удысэз туж валаса, наукалэн куронъёсызъя нуэ Владимир Капеев. Бусыосмес ӟеч кидысэн гинэ кизиськом. Музъеммес кемалась берыкъятэк гыриськом, севооборотъя ужаськом. Шӧдскымон инты басьто мулэсь удалтонлыксэ ӝутӥсь культураос. Соос пӧлын нырысетӥ инты басьтэ кӧжы, нош 1980-тӥ аръёсы сое одӥг гектар но ум будэтӥське вал. Воштӥське агротехника, будо куронъёс. Табере, музон хозяйствоосын ӵошатыса, ми тросгес пазяськом минерал сылалъёс, тросгес кутӥськом гербицидъёс. Уксёмес ум жаляське гырон-кизён техника басьтыны, бусыосамы гыро-кизё кунгож сьӧрысь вуттэм машинаос. Соос чылкыт но ыштонъёстэк ужало. Егитъёс таӵе техникае шумпотыса пуксё. Сотэк егит пиос гуртэ ӧй кыльысалзы. Хозяйствоямы ваньзэ ужъёсты 170 мурт быдэсъя. Со пӧлысь одӥг куиньмосэз егитъёс, нош кылемезлэн шоро-куспо арлыдзы 41 арес.

— Кызьы азинске пудо вордонды? Гуртоос ваньзэ лэсьто та секыт удысэз азинтон понна.

— Берло дыре вань гурт хозяйствоос пудо вордон вылын возисько. Соин ик та удысэз юнматонлы ми шӧдскымон саклык висъяськом, пудо йырмес йылэтӥськом, выжызэ умоятӥськом но палэнэ таза, ӟеч кунян-ветыл вузаськом. Таин валче тодэ лыктэ: выльдӥськон но рыноке выжон кутскем бере, 90-тӥ аръёсы, шаерамы тросэз хозяйствоос парсь вордэмысь дугдӥзы. Малпаськоды, шонер-а лэсьтӥзы? Ӧз. Нош ми та удыслэсь ӧм куштӥськылэ. Али 1 сюрс 267 йыр парсьёсмы, нош кылем арын 1104 вал. 100 гектар гыроно-кизёно музъемлы 34 парсь вордӥськом. Со ӧжыт ӧвӧл. Сю гектар музъемлы быдэ 30 центнер пала парсь сӥль поттэмын (ваньзэ вузамын 117 тонна но 4 центнер). Парсь вордон 363 сюрс манет пайда сётӥз, яке 1 килограмм парсь сӥль 3 манет 35 коньы табыш вайиз, нош йӧл — 2 манет 20 коньы. Кызьы адӟиськоды, парсь вордон удысэз валаса радъяськод ке, со пайдаен берытске. Привесъёсмы шоро-куспоесь, куайытоно парсьёс нуналаз шорлыдын 400 грамм будо. Кылем арын 1 сюрс 446 парсьпи вордӥськиз. Та удысэз азинтыны милям луонлыкъёсмы трос ай.

Таин ӵош азинтӥськом скал сӥль поттонмес. Сюро таза пудомы али 2 сюрс 147 йыр, со пӧлысь скалъёс — 760, яке 100 гектар музъемлы быдэ сюро таза пудомы 55,6 йыр усе, нош скалъёс — 19,7 йыр. Туж умоесь та лыдпусъёс, но пудо возьман лудъёсмы 135 гектар гинэ, тамында пудо уллёлы со туж ӧжыт. Со понна трос кизиськом трос аръем турынъёс. Озьы секыт югдурысь потӥськом но сиён-юон поттонмес арлы быдэ йылэтӥськом. Кылем арын ваньзэ 345 тонна скал сӥль поттӥм, яке планын чакламлэсь 35 тонналы ятыргес. Пудомы умой тэлеӟе, кунянъёсмы шорлыдын 670 грамм будо, нош куайытоно ошпиос — 923 грамм. Озьы миым 276,7 тонна сӥль вузам но миллион манет пала коньдон поттӥм, яке 100 гектар музъемлы 89,2 центнер скал сӥль поттэмын, рентабельностез 26 процент луиз. Валля арен ӵошатыса, 2 поллы трос. Одӥг килограмм сӥльлэн асдуныз 54 манет усиз, нош вузамы 68 манетэн. Озьы котькуд килограммез 14 манет пайда вайиз.

Кызьы верай ни, 1 килограмм йӧллэн пайдаез трослы ӧжытгес лыктэ — 2,2 манет, но сое трос кыскеменымы, табышез умой люкаське. Кылем арын, кылсярысь, йӧл кыскон 9 миллион 200 сюрс манет сётӥз, рентабельностез 20 процент луиз. Оглом вераса, кылем арын 100 гектар музъемлы 124,5 тонна йӧл люкам, 2010-тӥ арын сярысь, 136,8 тонналы ятыргес. Одӥг килограмм йӧлмес кылем арын шорлыдын 13 манет 02 коньыен вузам, нош асдуныз 10 манет 85 коньы усиз. 88 процентсэ йӧлмес вузаськом. Со планын чаклам мында луэ. Оглом кылем арын ваньзэ 4 сюрс 808 тонна йӧл кыским, яке скаллы быдэ 6 сюрс 533 килограмм, валля арен ӵошатыса, 418 килограммлы тросгес.

— Валентин Егорович, тӥ шаерамы одӥгез дано адями. Мар туннэ сюлэмшугъяськытэ тӥледыз?

— Гуртын улон капчи ӧвӧл. Кун политика гуртлы мыддорин берыктэмын, крестьян калыкез бадӟымесь дунъёсын пачкато. Соин ик уноез гурт хозяйствоос мырдэм возисько. Собере, асьмелэн лэсьтоноез но уг лэсьтӥськы. Кадръёс дасян уг мыны, кызьы вал азьло. Та уж аналтэмын ёросъёсын но, Гурт удысъя но сиён-юонъя министерствоын но. Кадръёс бордысь тросэз потэ. Сое мон ас вылам умой шӧдӥсько. Биньгозыез ӧжыт гинэ лябӟытӥськод ке, ужъёс дыго-мого мыныны кутско.

Гурт удысын лэчытэсь ужпумъёс туж трос. Соин ик мон ас азям но, специалистъёс азе но огкадь куронъёс пуктӥсько. Сое калык умой вала. Милям юисьёс ӧвӧл, ог-огзылэсь адӟем карыса, ӵошатскыса ужало. Отысь ик пото бадӟым вормонъёсмы.

— Нош ужасьёстылы кыӵе юрттэт сётӥськоды?

— Котькуд гурт хозяйство ужасьёсызлы быгатэмезъя юрттэ, но милям мында люкаське меда? Ми ялан тросгес уждун тыриськом. 2007-тӥ арын со вал 8 сюрс манет, 2008-тӥын — 11 сюрс 700, 2009-тӥын — 13,5, 2010-тӥын — 14 сюрс 963, нош 2011-тӥын 14 сюрс 978 манет луиз. Зямбай калык ӟеч тырше бере, соослы бай улыны кӧс гужем но, кризис но уг люкеты. Али пилорамаямы калыклы пул пилиськом. Нимаз тракторен тэльысь кор поттӥськом, пулэз доразы вуттӥськом. Калыклы пилим ке, хозяйстволы кутском. Татын ужало Анатолий Иванов, Пётр Попов, Василий Семёнов, Алексей Борисов, Александр Рябов но мукетъёсыз. Эштосысь ӟеч ужасьёслэсь нимъёссэс вераса но уд быдты. Соослэн тыршеменызы кылем арын 126,4 миллион манет доход басьтӥм, 2010-тӥ арен ӵошатыса, 13 миллион манетлы уногес, яке котькуд ужась шорлыдын 730 сюрс манет поттӥз. Валля арын со лыдпус 664 сюрс вал. Быдэс хозяйствоя рентабельностьмы 50 процент луиз, 2010-тӥ арын со 34 процент вал. Ваньзэ 42 миллион 416 сюрс манет пайдамы люкаськиз, валля арен ӵошатыса, 13 миллион 596 сюрс манетлы ятыргес.

Гурт хозяйство одӥг удыссэ но ӧз куашкаты. Азьло сямен ик ужало нылпи сад, шор ёзо школа, медпункт, библиотека, культура юрт, почта ёз, возиськом пекарня, вань магазинъёсмы, тол но гужем ужа столовой. Кысык бусы ужъёс дыръя ужасьёсты 6 манетэн сюдӥськом.

Зямбай гуртмы син азьын выльдӥське. 2006-тӥ арын улыно-вылыно контора пуктӥм. Улӥ этажзэ Ижысь гурт удысъя академиысь студентъёслы общежитие карим. Татын соос тол но гужем уло-дышетско. Калык кемалась газэн шунтӥське. Нош адӟе вал фермамес, дояркаослэсь шутэтскон интызэс, душъёсмес! Оло, куд-ог промышленной предприятиосын но милям кадез ӧвӧл на.

Эшшо вераме потэ на лэсьтӥськисьёслы юрттэммы сярысь. Кин аслыз корка пуктэ, солы 50 часлы дунтэк транспорт сётӥськом, нош кин гид, мунчо ӝутэ — 7 часлы. Эшшо 10 сюрс манет висъяськом на, нош егит семьяослы — толэзьем уждун. Хозяйство юрттэ сюан ортчытыны, пиосты армие келяны но кулэмъёсты ватыны. Калыклы озьы ик дунтэмгес вузаськом нянь, сӥль, чечы, нош ю тысь, турын но куро дунтэк сётӥськом. Зямбайёс тазалыксэс юнмато «Сосновый», «Ува» но Кизнерысь санаторийёсын. Путёвка дунтэк висъяськом. Пенсие потӥсьёслы куинь толэзьем мында уждун сётӥськом.

Геннадий РОМАНОВ.

Туспуктӥз Владимир БЕЛОМОРСКИХ.

Мичурин нимо эштос — Вавож ёросын гинэ ӧвӧл, быдэс шаерамы одӥгез кужмоез, ӝог но зол азинскисез гурт хозяйство. Татчы арлы быдэ дышетскыны ветло элькунысьтымы гурт удысысь хозяйствоослэн кивалтӥсьёссы. Угось татысь гинэ адӟод кунгож сьӧрысь басьтэм техникаез, роботъёсын фермаез. Татын кылдытэмын умоесь ужан условиос, шӧдӥське гурт калык сярысь сюлмаськон. Зямбайёс сярысь шуо: мушъёс кадь тыршисесь, кулэ луиз ке, гурезез но берыктозы.
Кытысь сыӵе ужан мылкыд потэ? Кызьы соос Кубаньын кадь удалтэм ю-нянь будэто? Эштослэн вормонъёсыз герӟаськемын кузёзылэн Валентин КАЛИНИНЛЭН сюлмаськеменыз, гурт удысэз ӟеч валаменыз. Со та хозяйствоен 42 ар кивалтэ ни. Котьку одӥг малпанэн улэ: эштос ялан азинскыны кулэ.
В. Е. Калининлы сётэмын Удмуртиысь гурт удысысь дано ужась ним, Удмуртилэн Кун премиез. Валентин Егорович луэ Удмуртилэн дано гражданинэз но Вавож ёрослэн дано адямиез. Пусъемын «Знак Почёта», Трудовой Горд Знамя орденъёсын, ВДНХ-лэн азвесь медаленыз но «За заслуги перед Отечеством» I но II степенё орденлэн медальёсыныз.
— Валентин Егорович, музъем котьку вал крестьян калыклэн сюдӥсез но вордӥсез.
— Туж шонер. Кин музъем ужез умой радъяны быгатэ, со уг быры, уг куашка. Ми но одӥг арскын таӵе ӟеч экономикае ӧм вуэ. Ноку уд вунэты 70-тӥ аръёсты. Хозяйствоын югдур туж секыт вал. Пудо огшоры липет улын улӥз — гидъёс ӧй вал. Араз скаллы быдэ 1-2 сюрс килограмм йӧл кыскылӥм. Техникамы йӧскадь ӧй вал. Котькуд гектарысь 5-7 центнер ю тысь кутсаллям, нош картофка 70 центнер копаллям. Куро палэнысь вагонъёсын вайылӥм… Но ваньзэ вормим. Арысь аре пичиен-пичиен вамышъёс лэсьтӥм музъем ужын но, пудо вордонын но.
Тӥни сыӵе вал ужаны кутсконэ. Табере ми тодмантэм воштӥським котыр ласянь. Ушъяськытэк верало: кылем арын котькуд гектарысь шорлыдын 40 центнер ю тысь кутсам, нош сезьымы 49,6 центнер люкаськиз. Озьы ик чебер вал йыды но кӧжы. Сю гектар вылын картофка будэтӥм, котькудысьтыз 300 центнер пала копам. Кушманмы 614 центнер шедиз, нош жалем кукуруза — 465 центнер. Тырмыт дасямын ӟеч пудо сиён: зернофураж 3 сюрс тонна, турын но силос одӥг но ӝыны арлы тырмымон.
Хозяйствомы пичи ӧвӧл: музъеммы 4 сюрс гектар ёрос, со пӧлысь гыроно-кизёноез — 3 сюрс 708 гектар. Ю-нянь будэтӥськом 1 сюрс 470 гектар вылын, нош пудо сюдон культураосмы 2 сюрс гектар котыр люкасько. Кылем арын 5 сюрс 848 тонна ю тысь поттӥм, картофка — 3 сюрс тонна пала. Со лыдпусъёсты вераны гинэ капчи, нош кӧня кужымзы отчы понэмын механизаторъёслэн, шор ёзо кивалтӥсьёслэн но специалистъёслэн. Ваньмызлы тау карисько.
Эштос кемалась юнэсь кусыпъёс возе Ижысь гурт удысъя кун академиен. Со но милемлы юрттэ арысь аре выль вормонъёс басьтыны. Берло дыре котькуд гектарысь шорлыдын 35-36 центнер ю тысь кутсаськом, скаллы быдэ араз 6 сюрс килограммлэсь уно йӧл кыскиськом. Хозяйство табере племзавод но семхозяйство луиз ни. Пинал пудомес но кидысмес элькунысь хозяйствоос умой басьто.
Берло дыре ми зэм но бадӟым саклык висъяськом музъем ужан культураез ӝутонлы. Та удысэз туж валаса, наукалэн куронъёсызъя нуэ Владимир Капеев. Бусыосмес ӟеч кидысэн гинэ кизиськом. Музъеммес кемалась берыкъятэк гыриськом, севооборотъя ужаськом. Шӧдскымон инты басьто мулэсь удалтонлыксэ ӝутӥсь культураос. Соос пӧлын нырысетӥ инты басьтэ кӧжы, нош 1980-тӥ аръёсы сое одӥг гектар но ум будэтӥське вал. Воштӥське агротехника, будо куронъёс. Табере, музон хозяйствоосын ӵошатыса, ми тросгес пазяськом минерал сылалъёс, тросгес кутӥськом гербицидъёс. Уксёмес ум жаляське гырон-кизён техника басьтыны, бусыосамы гыро-кизё кунгож сьӧрысь вуттэм машинаос. Соос чылкыт но ыштонъёстэк ужало. Егитъёс таӵе техникае шумпотыса пуксё. Сотэк егит пиос гуртэ ӧй кыльысалзы. Хозяйствоямы ваньзэ ужъёсты 170 мурт быдэсъя. Со пӧлысь одӥг куиньмосэз егитъёс, нош кылемезлэн шоро-куспо арлыдзы 41 арес.
— Кызьы азинске пудо вордонды? Гуртоос ваньзэ лэсьто та секыт удысэз азинтон понна.
— Берло дыре вань гурт хозяйствоос пудо вордон вылын возисько. Соин ик та удысэз юнматонлы ми шӧдскымон саклык висъяськом, пудо йырмес йылэтӥськом, выжызэ умоятӥськом но палэнэ таза, ӟеч кунян-ветыл вузаськом. Таин валче тодэ лыктэ: выльдӥськон но рыноке выжон кутскем бере, 90-тӥ аръёсы, шаерамы тросэз хозяйствоос парсь вордэмысь дугдӥзы. Малпаськоды, шонер-а лэсьтӥзы? Ӧз. Нош ми та удыслэсь ӧм куштӥськылэ. Али 1 сюрс 267 йыр парсьёсмы, нош кылем арын 1104 вал. 100 гектар гыроно-кизёно музъемлы 34 парсь вордӥськом. Со ӧжыт ӧвӧл. Сю гектар музъемлы быдэ 30 центнер пала парсь сӥль поттэмын (ваньзэ вузамын 117 тонна но 4 центнер). Парсь вордон 363 сюрс манет пайда сётӥз, яке 1 килограмм парсь сӥль 3 манет 35 коньы табыш вайиз, нош йӧл — 2 манет 20 коньы. Кызьы адӟиськоды, парсь вордон удысэз валаса радъяськод ке, со пайдаен берытске. Привесъёсмы шоро-куспоесь, куайытоно парсьёс нуналаз шорлыдын 400 грамм будо.  Кылем арын 1 сюрс 446 парсьпи вордӥськиз. Та удысэз азинтыны милям луонлыкъёсмы трос ай.
Таин ӵош азинтӥськом скал сӥль поттонмес. Сюро таза пудомы али 2 сюрс 147 йыр, со пӧлысь скалъёс — 760, яке 100 гектар музъемлы быдэ сюро таза пудомы 55,6 йыр усе, нош скалъёс — 19,7 йыр. Туж умоесь та лыдпусъёс, но пудо возьман лудъёсмы 135 гектар гинэ, тамында пудо уллёлы со туж ӧжыт. Со понна трос кизиськом трос аръем турынъёс. Озьы секыт югдурысь потӥськом но сиён-юон поттонмес арлы быдэ йылэтӥськом. Кылем арын ваньзэ 345 тонна скал сӥль поттӥм, яке планын чакламлэсь 35 тонналы ятыргес. Пудомы умой тэлеӟе, кунянъёсмы шорлыдын 670 грамм будо, нош куайытоно ошпиос — 923 грамм. Озьы миым 276,7 тонна сӥль вузам но миллион манет пала коньдон поттӥм, яке 100 гектар музъемлы 89,2 центнер скал сӥль поттэмын, рентабельностез 26 процент луиз. Валля арен ӵошатыса, 2 поллы трос. Одӥг килограмм сӥльлэн асдуныз 54 манет усиз, нош вузамы 68 манетэн. Озьы котькуд килограммез 14 манет пайда вайиз.
Кызьы верай ни, 1 килограмм йӧллэн пайдаез трослы ӧжытгес лыктэ — 2,2 манет, но сое трос кыскеменымы, табышез умой люкаське. Кылем арын, кылсярысь, йӧл кыскон 9 миллион 200 сюрс манет сётӥз, рентабельностез 20 процент луиз. Оглом вераса, кылем арын 100 гектар музъемлы 124,5 тонна йӧл люкам, 2010-тӥ арын сярысь, 136,8 тонналы ятыргес. Одӥг килограмм йӧлмес кылем арын шорлыдын 13 манет 02 коньыен вузам, нош асдуныз 10 манет 85 коньы усиз. 88 процентсэ йӧлмес вузаськом. Со планын чаклам мында луэ. Оглом кылем арын ваньзэ 4 сюрс 808 тонна йӧл кыским, яке скаллы быдэ 6 сюрс 533 килограмм, валля арен ӵошатыса, 418 килограммлы тросгес.
— Валентин Егорович, тӥ шаерамы одӥгез дано адями. Мар туннэ сюлэмшугъяськытэ тӥледыз?
— Гуртын улон капчи ӧвӧл. Кун политика гуртлы мыддорин берыктэмын, крестьян калыкез бадӟымесь дунъёсын пачкато. Соин ик уноез гурт хозяйствоос мырдэм возисько. Собере, асьмелэн лэсьтоноез но уг лэсьтӥськы. Кадръёс дасян уг мыны, кызьы вал азьло. Та уж аналтэмын ёросъёсын но, Гурт удысъя но сиён-юонъя министерствоын но. Кадръёс бордысь тросэз потэ. Сое мон ас вылам умой шӧдӥсько. Биньгозыез ӧжыт гинэ лябӟытӥськод ке, ужъёс дыго-мого мыныны кутско.
Гурт удысын лэчытэсь ужпумъёс туж трос. Соин ик мон ас азям но, специалистъёс азе но огкадь куронъёс пуктӥсько. Сое калык умой вала. Милям юисьёс ӧвӧл, ог-огзылэсь адӟем карыса, ӵошатскыса ужало. Отысь ик пото бадӟым вормонъёсмы.
— Нош ужасьёстылы кыӵе юрттэт сётӥськоды?
— Котькуд гурт хозяйство ужасьёсызлы быгатэмезъя юрттэ, но милям мында люкаське меда? Ми ялан тросгес уждун тыриськом. 2007-тӥ арын со вал 8 сюрс манет, 2008-тӥын — 11 сюрс 700, 2009-тӥын — 13,5, 2010-тӥын — 14 сюрс 963, нош 2011-тӥын 14 сюрс 978 манет луиз. Зямбай калык ӟеч тырше бере, соослы бай улыны кӧс гужем но, кризис но уг люкеты. Али пилорамаямы калыклы пул пилиськом. Нимаз тракторен тэльысь кор поттӥськом, пулэз доразы вуттӥськом. Калыклы пилим ке, хозяйстволы кутском. Татын ужало Анатолий Иванов, Пётр Попов, Василий Семёнов, Алексей Борисов, Александр Рябов но мукетъёсыз. Эштосысь ӟеч ужасьёслэсь нимъёссэс вераса но уд быдты. Соослэн тыршеменызы кылем арын 126,4 миллион манет доход басьтӥм, 2010-тӥ арен ӵошатыса, 13 миллион манетлы уногес, яке котькуд ужась шорлыдын 730 сюрс манет поттӥз. Валля арын со лыдпус 664 сюрс вал. Быдэс хозяйствоя рентабельностьмы 50 процент луиз, 2010-тӥ арын со 34 процент вал. Ваньзэ 42 миллион 416 сюрс манет пайдамы люкаськиз, валля арен ӵошатыса, 13 миллион 596 сюрс манетлы ятыргес.
Гурт хозяйство одӥг удыссэ но ӧз куашкаты. Азьло сямен ик ужало нылпи сад, шор ёзо школа, медпункт, библиотека, культура юрт, почта ёз, возиськом пекарня, вань магазинъёсмы, тол но гужем ужа столовой. Кысык бусы ужъёс дыръя ужасьёсты 6 манетэн сюдӥськом.
Зямбай гуртмы син азьын выльдӥське. 2006-тӥ арын улыно-вылыно контора пуктӥм. Улӥ этажзэ Ижысь гурт удысъя академиысь студентъёслы общежитие карим. Татын соос тол но гужем уло-дышетско. Калык кемалась газэн шунтӥське. Нош адӟе вал фермамес, дояркаослэсь шутэтскон интызэс, душъёсмес! Оло, куд-ог промышленной предприятиосын но милям кадез ӧвӧл на.
Эшшо вераме потэ на лэсьтӥськисьёслы юрттэммы сярысь. Кин аслыз корка пуктэ, солы 50 часлы дунтэк транспорт сётӥськом, нош кин гид, мунчо ӝутэ — 7 часлы. Эшшо 10 сюрс манет висъяськом на, нош егит семьяослы — толэзьем уждун. Хозяйство юрттэ сюан ортчытыны, пиосты армие келяны но кулэмъёсты ватыны. Калыклы озьы ик дунтэмгес вузаськом нянь, сӥль, чечы, нош ю тысь, турын но куро дунтэк сётӥськом. Зямбайёс тазалыксэс юнмато «Сосновый», «Ува» но Кизнерысь санаторийёсын. Путёвка дунтэк висъяськом. Пенсие потӥсьёслы куинь толэзьем мында уждун сётӥськом.
Геннадий РОМАНОВ.
Туспуктӥз Владимир
БЕЛОМОРСКИХ.

Удмурт Дунне
By Удмурт Дунне Январь 27, 2012 10:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<