Удмурт-фин кылбугор, гей-клубъёс но «Парсь Петя»

Удмурт Дунне
By Удмурт Дунне 25 января, 2012 10:33

Егит удмурт кылчи, Финляндиын дышетскись-ужась Вадим Данилов шутэтскон нуналъёсы Удмурт шаере, вордскем Постол гуртаз, бертӥз. Туала фин улон но берло ужъёсыз сярысь пичияк вераськоно кариським.

— Вадим, маин али выриськод?

— Али шутэтскисько. 2008-тӥ арын бадӟым удмурт-фин кылбугор поттӥм. Авторъёсыз куинь кузя: мон, Сергей Максимов но Сиркка Сааринен. Басьтыны сое Финляндиын гинэ луэ. Печатлам понна Турку университет тыриз. Ог 30 евро сылэ, асьме сямен — 1200 манет котыр.

— Паймод но бырод. Тае тодыса ик, оло, кыллюкам кылдытон уж борды кутскид?

— Кыллюкаммы ӧй вал. Одӥг пол Ижысь Кызьпу арамаысен одӥгаз удмурт ужрадын С. Максимов мыным дэмлаз: ойдо лэсьтом, пе. 3,5 ар пала бичаны вырим. 22 сюрслэсь уно кыл пыремын. Инъетэз — 1949-тӥ арын потэм удмурт-ӟуч словарь.

— Финляндиын улон тыныд маиныз кельше?

— Финляндиын уг кышкало. Уг кышкало мукет луыны. Мынам вань мылкыды: адямиос дунне шоры паськыт мед учкозы. Финъёслэн пӧртэм шутэтскон амалъёссы, пӧртэм калыклы тупась интыоссы вань. Шуом, гей-клубъёс ик. Отчы адямиос шара ветло, уг возьдасько. Удмуртъёс пӧлын таӵезэ син азе пуктыны ик уг луы. Тодӥсько учырез: Эгра ёросын пияшез «эшъёсыз» сӧсыртӥзы — малы ке шуоно со «сыӵе ик» ӧй вал. Кӧня ке ар талэсь азьло ӵашетӥзы та пумысен… Мыным потэ, удмуртъёс доры андеграунд, мукет культура ӟучъёс пыр вуэ. Озьы ке но вашкала дыръя удмуртъёслэн но трос аспӧртэмзы вылэм, со дышем сямъя потылӥз. Макар Волковлэсь «Парсь Петя» вероссэ лыдӟыса ик, сыӵе малпан кылдэ.

— Куке-соку удмурт шаере улыны бертысалыд-а?

— Ӧй, дыр. Фин шаерын тон мурт ке но, эрико.

Вадим Данилов

Удмурт Дунне
By Удмурт Дунне 25 января, 2012 10:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<