Полиция — дано удыс?

Удмурт Дунне
By Удмурт Дунне 27 января, 2012 10:28

Январе полициын ужасьёс нырысьсэ басьтӥзы йылэтэм уждун. МВД-ын реформа радъяськыку, Россилэн Президентэз Дмитрий Медведев ялӥз, югдурез утён удысын ужась лейтенантлэн уждунэз 33 сюрс манет луоз шуыса.

Республикамыя МВД-ын лыдъязы-чотазы ни, Удмуртиысь лейтенантъёслэн шоро-куспо уждунзы 40 сюрс манет котыр луиз шуыса. Но Югдурез утёнъя министерстволэн пресс-службаяз ужасьёс ивортэмъя, тамында басьтозы оперативной службаын ужасьёс. Уго полицилэн тужгес секыт удысэз луэ — бызьылон-утчаськон. Нош кыӵе шоро-куспо уждун луиз быдэс министерствоын — тазэ лыдпусэз али МВД-ын чоталлямтэ на.

Со вакытэ ик шаерысьтымы полицилэн радъёсыз реформа ӵоже ог 2 сюрс ужасьлы бушазы. Югдурез утён удысысь куд-ог службаосын гужемысен полицейскойёсты куто. Кылсярысь, уг тырмо ужасьёс патрулья но постъя, участковой, оперативной службаосын, ДПС-ын ужасьёс, водительёс но мукетъёсыз.

Нялтас вераса, азьвыл патрулья но постъя службае ужаны тросгес интыяськылӥзы гуртъёсысь лыктӥсьёс. Берло дыре югдур воксё воштӥськиз. Табере ульчаосын югдурез чакланы дась луо ни городын быдэсмем егитъёс но. Оскем потэ, МВД системаын выльдӥськон уждун ласянь гинэ уз луы. Полициын ужасьёс оскем удыссы шоры выль синмын учкыны быгатысалзы на ке…

Елена СКВОРЦОВА.

Удмурт Дунне
By Удмурт Дунне 27 января, 2012 10:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<