Ёрос пуконъёс люкылэмын

Удмурт Дунне
By Удмурт Дунне Декабрь 6, 2011 08:44

Удмуртиысь ЦИК вазь ӵукна ик ивортӥз: эскеремын 100 процентэз бюллетеньёс. Быръён комиссилэн кивалтӥсез Владимир Пономарёв шараяз лыдпусъёсты: «Огъя Россия» басьтӥз 45,09 процент, КПРФ — 19,55, ЛДПР — 16,59, «Зэмлыко Россия» — 11,18, «Россилэн патриотъёсыз — 5,03, «Яблоко» — 4,93, «Правое дело — 0,98.

Ёросъёсын «Огъя Россилы» дурбасьтӥз 55,09 процентэз калык, та партилы тужгес зол синмаськемын Юкаменск ёросын (70,96 процент), коммунистъёс понна куаразэс котьку сямен  жалятэк сёто Глазовын (32,24 процент).

Кун Думае депутатъёсты сяна, шаерысьтымы районъёсын калык бырйиз ёрос Кенешъёсы депутатъёсты но. Удмуртиысь ЦИК-лэн ивортэмезъя, оглом республикаямы интыосы 677 депутат быръемын. 333 депутатъёс ортчизы одӥг мандатъем округъя, 334-ез — муниципал округъёсъя. Ёрос кенешъёсы ортчем депутатъёс пӧлысь 500-эз — «Огъя Россия» партиысь, 82-ез — КПРФ-ысь, 50-эз — ЛДПР-ысь, 31-ез — «Зэмлыко Россиысь», нош 14-ез асьсэос асьсэды дэмламъёс.

ЦИК-лэн сайтысьтыз котькуд мылкыд карись шедьтыны быгатэ: нош кыӵе югдур солэн ёросаз? Кинъёс депутатэ потэмын ёрос кенешазы?  Со понна пыроно Удмуртиысь ЦИК-лэн сайтысьтыз «Быръёнъёс но референдумъёс» висъетаз.

Нялтас вераса, Сьӧлта ёрос Кенеше ортчем депутатъёс пӧлысь 14-ез (93 про-центэз) — «Огъя Россиысь», одӥгез — ассэ ачиз дэмлам адями. Алнаш ёросын 14 депутат пӧлысь 9-эз — «Огъя Россия» партилэн, 3-ез — КПРФ-лэн, быдэн одӥг кан-дидатсы потӥз «Зэмлыко Россилэн» но ЛДПР-лэн. Нош Яр ёросын 9 кандидат потӥз «Огъя Россия» нимын, 4-ез — КПРФ, 2-ез — ЛДПР.

Елена Васильева.

Удмурт Дунне
By Удмурт Дунне Декабрь 6, 2011 08:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<