Тузӥ больницаысь паймыса потод

Удмурт Дунне
By Удмурт Дунне 9 декабря, 2011 11:46

Кизнер посёлокын усьтӥськиз диагностикая тузӥ центр. Выль объектэз ӝутыны кутскизы кылем арын октябре. Нош ар куспын центр быдэмиз, тырмиз туала ужан тӥрлыкен.

9 сюрс 760 квадрат метр пасьтана вӧлскемын туала больница. Татын трос пумо кабинетъёс чакламын. Соос сяна, биохимияя но гематологияя лабораториос, УЗИ но эндоскопия эскеронъя кабинетъёс. «Химия ож тӥрлыкез быдтон» программая лэсьтӥськонлы висъяськиз 245 миллион манет. Со пӧлысь 54 миллион манет тыр басьтэмын эмъян тӥрлык.

— Диагностикая центрен тодматскыса, туж пайми выль оборудованилы, — пусйиз Президент Александр Волков. — Диагностикая центр дорозь кӧня объект быдэстэмын ни вал: культурая юрт, 1 номеро школа, РОВД-лэн юртэз. Иськемъёсын кыскемын газопровод, выльдэмын-тупатъямын сюресъёс. Таӵе узыр социальной инъетэз одӥг ёрослэн но, Камбаркалэн сяна, ӧвӧл на.

Химия ож тӥрлыкез быдтонъя но утёнъя федерал управленилэн кивалтӥсез Валерий Капашин эшшо кык дышетон юрт — Кизнер посёлокын 2  номеро школа но Кизнер черкогуртын школа — ӝутыны сӥзиз.

Сергей Захаров.

Удмурт Дунне
By Удмурт Дунне 9 декабря, 2011 11:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<