Синвуаськисько но, серекъясько но

Удмурт Дунне
By Удмурт Дунне Декабрь 6, 2011 11:26

Мыным 83 арес ни, но «Удмурт дунне» газетэн люкиськеме уг поты. Пельы уг кылы ке но, синмы адӟе — вань иворъёсты газетысь тодӥсько. Куд-ог гожъямъёсты кык пол-куинь пол но лыдӟисько. Одӥг статьяез но уг кельтӥськы, ваньзэ учкисько. Юскинлэн валэктонъёсыз кельшо, политика сярысь но тодэм потэ, «Шӧкычез» серекъяса  лыдӟисько. Тужгес но ярало война вакытэ улэм-вылэм сярысь мадёнъёс.

Семьяямы ми куать нылпи вал. Атаймы войнаысь сӧсырмыса бертӥз, но колхоз предмы малы ке сое туж обижать карыса возиз. Али но кӧты ӝож со понна. Атаймы туж яратэ вал кырӟаны. Войнае басьтыкузы, «Ой, машина, машина» кырӟанэз кырӟаса, кошкиз. Сое кыло ке, гуртоос шуо вал: Корниллэн кырӟанэз. Калыклэсь алама улэмъёсыз сярысь гожъямъёссэ лыдӟыса, синвуаськисько, тодэ лыктэ курадӟыса будэммы. Нош ӟечезлы ачим но шумпотӥсько.

Мон вордӥськемын Алнаш районысь Асангуртын, Ижын 1972-тӥ арысен улӥсько ни. Кузёеным ньыль нылпи будэтӥм. Одӥг арзэ но газеттэк ум кылиське вал, вожмаськыса лыдӟиськылӥм. Табере кузёе укмыс арзэ сояз дуннеын ни.

Гужемзэ сад-бакчаын улӥсько. Нылы газет вайыны вунэтэ ке, куаретӥсько. Тазалыке ляб ни, ужаме уг луы. Нош лыдӟиськыны туж яратӥсько. Артэ бакчаосысь удмурт кышноос юанъёсынызы ӵемысь мыным вазисько: тон, пе, оломае но тодӥськод. Шуисько: газет лыдӟыны кулэ, тӥ но котьмае тододы. Паймисько, малы газетлы уг гожтӥсько? Вина ӧд ке юы, тамак ӧд ке кыскы, ма, кызьы  уксёед газетлы уз тырмы?

Надежда Кузнецова,

Ижын улӥсь.

Удмурт Дунне
By Удмурт Дунне Декабрь 6, 2011 11:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<