Пу школаос уз луэ ни!

Удмурт Дунне
By Удмурт Дунне 2 декабря, 2011 08:10

Пу школаос уз луэ ни!

Уваын усьтӥськиз выль нылпи сад.

Матысь аръёсы Дэбес ёросысь Удмурт Льӧмын, Котёгуртын но Кез ёросъёсысь Степанёнкаын выль школаос пуктыны чакламын. Та нуналъёсы уйпала вуылӥз Президент Александр Волков, пумиськылӥз отын улӥсь калыкен.

Удмурт Льӧмысь школа пуктэмын ни 1936-тӥ арын. Шораз учкыны ӝожмыт — пулэсь юрт тани-тани ланьырскоз. Улыно-вылыно лыдъяське со, но кыкетӥ этажез вазенгес ик пытсамын. Табере 33 пиналъёс дышетскыны ветло артысь Зар.-Медло гуртэ. Нош нылпи садэ ветлӥсь тэшкылиос куашкан калэ вуэм юртлэн нырысетӥ этажаз интыяськемын.

Президент гуртоосты оскытӥз: школа-садэз вуоно арын пуктыны кутскозы, 2012-тӥын 1-тӥ сентябре корка пырон лэсьтыны луоз ни.

Азьлане чаклам ужпумъёс пӧлын — Котёгуртэ но Степанёнкае школаос пуктыны кутскон.

— Туннэ элькунамы куашкан калэ вуэм пу юртын 11 школа интыяськемын на, — вераз Александр Волков. — Нош дасо ар талэсь азьло соос 70 вал на. Озьыен, интыямы ум лёгаськиське, та уж одно азинтэмын луоз.

Нош Ува каргуртын толон корка пырон лэсьтӥзы ни! Ӵыжак-выль нылпи сад ӧсъёссэ усьтӥз 190 тэшкылилы. Вужез юрт ӝутэмын вал пулэсь, 1929-тӥ арын. Кылем арын сое ярантэмен лыдъязы — озьы лэсьтӥськисьёс ар куспын выжыкылысь кадь юрт пуктӥзы.

— Арлы быдэ шаерамы 5 нылпи сад усьтом, — вераз А. Волков сӥё-дано ужрад дыръя. — Озьы матысь 3 ар куспын нылпи садъёсы черодъёс бырозы. Нош ог 5 ар улыса, черодъёс уз луэ ни яслиосы но.

Президент эшшо но шумпоттӥз Ува каргуртын улӥсьёсты: матысь дыре эшшо одӥг нылпи сад лэсьтыны кутскозы.

Элина Васильева.

Удмурт Дунне
By Удмурт Дунне 2 декабря, 2011 08:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<