Президентлэн выль оскем муртэз

Удмурт Дунне
By Удмурт Дунне 16 декабря, 2011 08:02

Дмитрий Медведев 15-тӥ декабре Михаил Бабичез юнматӥз Россилэн Президентэзлэн Приволжск федерал округъя оскем муртэз должносте. Выль уж борды кутскеменыз Михаил Бабичез ӟечкылаз Удмуртилэн Президентэз Александр Волков.

Михаил Бабич 2000-тӥ арын вал Москва улосысь вице-губернатор. 2001-тӥ арын — Иваново улосысь администрацилэн йырызлэн воштӥсез но та улослэн Москваысь представительствоеныз кивалтӥсь. 2002-тӥ арысен — Чечняысь Правительстволэн Тӧроез. Собере бырйиськылӥз Россиысь ньылетӥзэ но витетӥзэ ӧтчам Кун Думае. «Калык фронтлэн» улос ёзэзлэн кураторез, Кун Думаысь обороная комитетлэн кивалтӥсезлэн воштӥсез вал. Пыриськиз обороналы висъям коньдонлэсь кутӥськемзэ чакланъя комиссилэн ужаз.

Приволжск федерал округысь талэсь азьвыл полпред Григорий Рапота ноябрьлэн пумаз юнматэмын Россилэн но Белоруссилэн Союззылы кун секретаре.

Сергей Захаров.

Удмурт Дунне
By Удмурт Дунне 16 декабря, 2011 08:02