Кык арлы азьлапал ужало

Удмурт Дунне
By Удмурт Дунне 9 декабря, 2011 11:39

Дэри ёросысь «Путь Ильича» хозяйство туэ пыртэмын Удмуртилэн Данъян пул вылаз. Вить ар ӵоже ни отысь пудо утисьёс котькуд скаллэсь 6 сюрс килограммлэсь ятыр йӧл кыско. Туэ нянь будэтӥсьёссы котькуд гектарысь шорлыдын 30 центнер ю тысь кутсазы. Пудо сиён кык арлы азьлапал дасямын.

Трос йӧл кыско соин: сиён дасяло туала технологиосын, отчы биопрепаратъёс ватсало, ужало рапс но тари культураосын. 100 скаллэсь татын вордӥське 95 йыр кунян.

«Путь Ильича» хозяйство — холмогор выжыысь ӟеч скалъёсты будэтонъя племзавод. 2010-тӥ арын 109 йыр скалзэ мукет гурт предприятиослы вузаз. Со понна Президентлэсь Александр Волковлэсь Таукарон басьтӥз. Туэ но вузаны медо. Та дырлы хозяйстволэн кысконо уллёез — 600 йыр. Вуоно арын сое 30 скаллы йылэтыны чаклало.

— Милям татын тачак ужась, сюлмо адямиосмы. Арлыдоосты вошто егитъёс. Соос кык-куинь ар ӵоже дышо пудо котырын ужаны, — вера Якшур фермалэн кивалтӥсез Светлана Чувашева.

Толлэн нырысетӥ нуналъёсаз та фермаын котькуд скаллэсь шорлыдын 17,5 килограмм йӧл кыско. Ар куспын 6 сюрс килограмм кыскыны чаклам планзэс вазьгес быдэстыны медо.

 Иван Аркашев.

Удмурт Дунне
By Удмурт Дунне 9 декабря, 2011 11:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<