Куара понна — горд роза

Удмурт Дунне
By Удмурт Дунне 6 декабря, 2011 08:46

Венгрилэн шоркараз — Будапештын — интыяськем Балашши Балинт нимо университетын дышетско Россиысь, Удмурт шаерысь уно студентъёс. Быръёнъёсы соос мыло-кыдо вамыштӥзы. 

Будапештын куара сётон радъямын вал Ӟуч культурая центрлэн юртаз. Солэн пушказ но, азбараз но туж трос калык люкаськиз вал. Шӧдӥськиз: соос, Россилэсь палэнын улыса но, бадӟым саклык висъяло вордскем палъёссылы, сюлмасько солэн азьлань улонэз сярысь. Куаразэ сётон понна котькуд адями возьматӥз Россилэсь паспортсэ, кунгож сьӧры потаны лэзись документсэ но венгер визазэ. Бырйисьёс понна радъямын вал буфет.

Куаразэс сётыны лыктэмъёс пӧлын ичи ӧй вал 18 арессэс али гинэ тырмытэмъёс — быръёнъёсы нырысьсэ пыриськисьёс. Таӵеос пӧлысь тросэз Балашши Балинт нимо университетын дышетскисьёс. Соосты тодманы секыт ӧй вал: быръёнъёсъя комиссилэн ёзчиосыз угось соослы кузьмазы ӵыж-горд роза, тау каризы. Быръёнъёсы пыриськыса, егитъёс доразы бертыны ӧз дыртэ. Кема сылӥзы ульчаын, Россилэн азьлань улонэз пумысен кенешыса.

Лариса Широбокова.

Венгрия. 

Удмурт Дунне
By Удмурт Дунне 6 декабря, 2011 08:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<