Данъяно муртъёс пӧлын — Удмуртиысь геройёс

Удмурт Дунне
By Удмурт Дунне 9 декабря, 2011 11:15

Туннэ Россиын пусъё Атыкай музъемлэн геройёсызлэсь нуналзэс. Та праздникез Кун Дума юнматӥз 2007-тӥ арын.

Та нунал одӥг бурд улэ огазея Георгиевской Киросъёслэсь кавалеръёссэс, Совето Союзысь но Россиысь Геройёсты.

Россиын таӵе дано муртъёслэсь галереязэс кылдытыны чаклало. Удмуртия ласянь отчы пыртон понна ыстэмын 12 геройёслэн нимтулъёссы. Дано ним басьтэмъёс пӧлын вань ожын быремъёс но, улэп муртъёс но. Кылсярысь, туннэ но стройын дано конструктор, Россилэн Героез Михаил Калашников, Афганистанысь ожмаськонын Совето Союзлэн Героез луэм Валерий Попков, чечен тылӝуын Россилэн Героез ним басьтэм  Валерий Чухванцев.

Геройлэн нуналэзлы сӥзем форум Москваын радъяськоз 19-тӥ декабре. Соку ик тодмо луоз, кинъёс шедёзы дано ожгарчиослэн галереяязы.

Елена Скворцова.

 

Удмурт Дунне
By Удмурт Дунне 9 декабря, 2011 11:15