Гердэн тодматским

Удмурт Дунне
By Удмурт Дунне 7 декабря, 2011 10:05

Ӵӧжгуртысь школаын но толэзь ӵоже удмуртлыклы сӥзем ужрадъёс ортчизы. Алигес вуылыны кылдӥз Кузебай Гердлэн вордӥськем палъёсаз — Вавож ёросысь Партчи гуртысь музее. Трос тунсыкозэ тодӥмы. Аспал адямиенызы соос туж данъясько. Музеязы, пе, Удмуртиысь сяна, кунгож сьӧрысь но куноос вуыло.

Музейзы куинь висъетлэсь. Нырысетӥяз тодматскимы вашкала удмурт коркаен. Ас вакытаз отын Кузебай Герд улэм. Кыкетӥ висъетсы ужан тӥрлыкъёслы сӥземын, куинетӥез — Кузебай Гердлы.

Вавож палъёсы вуылыса, ми но тросгес тодӥмы удмурт калыклэн азьветлӥсез сярысь. Соизлы но паймимы: музейлы Эстониысь книга кузьмаллям. 7-тӥ класслы чаклам учебниказы Гердлэсь кылбурзэ пыртӥллям. Шумпотоно: ӵыжы-выжы луись калыкъёс но Удмуртилэн дано адямиез сярысь уг вунэто.

Влад Кабанов,

Ӵӧжгуртысь школаын дышетскись.

Удмурт Дунне
By Удмурт Дунне 7 декабря, 2011 10:05