Визь люканы — Дэбесэ яке Глазкаре?

Удмурт Дунне
By Удмурт Дунне 7 декабря, 2011 09:31

Визь люканы —  Дэбесэ яке Глазкаре?

С. Тихонова.

Удмуртлыкез утён вылысь ёросын пӧртэм ужрадъёс ортчытъяло: «Зарни италмас», «ӝужась кизилиос», «Будӥсь батыръёс», «Мылысь-кыдысь», «Чеберина» но мукет. Ӵем дыръя таӵе вожвылъяськонъёслы дасяськон удмурт кылъя но литературая дышетӥсьёслэн пельпум вылазы усе. Туннэ нуналлы ёросысь 6 гурт школаосын гинэ анай кылъя урокъёс нуисько.

— Удмурт школаослэн лыдзы но ялан кулэсме, — сюлэмшугъяськонзэ вера Пужмезь гуртысь визьнодась Светлана Тихонова. — Кытын но отын анай кылэз мултэс каремзы потэ, со сяна, дышетскись пиналъёслэн лыдзы кулэсме.

Пужмезь школаын удмурт кылъя но литературая урокъёсты Светлана Алексеевна 18-тӥ арзэ нуэ. Трос пол пыриськылӥз ёрос ӵошатсконъёсы, огкылысь ужаны тырше «Удмурт кенешлэн» ёросысь ёзэныз. Мукет визьнодасьёсты сямен ик, Светлана Тихоноваез но сюлмаськытэ удмуртъёслэн ӟучомыны кутскемзы. Шуг-секытысь потон вылысь Кез ёросысь дышетӥсьёс ӵем дыръя визь-кенеш люканы ветло Дэбесысь яке Глазовысь эшъёссы доры, дышетӥсьёслэсь тодон-валанзэс будэтонъя институтэ. Мукет ёросъёсысь эшъёссылэсь бере кылёнтэм вылысь газет-журналъёс басьто, тунсыко иворъёсыз гурт калык доры вуттыны тыршо.

Валентина Емельянова.

Удмурт Дунне
By Удмурт Дунне 7 декабря, 2011 09:31