Быдэс ёросын — одӥг лыдӟись

Удмурт Дунне
By Удмурт Дунне 16 декабря, 2011 07:56

Вуоно арлы газет-журналъёслы гожтӥськон йылпумъяське ни. Ижын улӥсьёс соиз ласянь эркиямынгес. Соос, редакцие лыктыса, подписка радъяны быгатозы на 31-тӥ декабрёзь. Но гуртъёсын улӥсьёслэн но «Удмурт дуннелы» гожтӥськыны луонлыксы вань котькуд толэзе.

Туэ гожтӥськытэк кылиды ке но, 20-тӥ январёзь подписка лэсьтӥды ке, газет дорады вуоз февраль толэзьысен. Соин ик мылкыд карисьёс котькуд толэзьысен «Удмурт дуннеен» эшъяськыны быгато. Таӵе амалъя подписка радъяське арняяз куинь пол потӥсь газетлы (солэн индексэз 11597). Быдэс арлы комплектлэн дуныз 630 манет 22 коньы ке, коньдон тыроды басьтоно толэзьёс понна гинэ. Со сяна, куре почтальонлэсь 20 процентъем скидка — со сётӥське пенсионеръёслы но инвалидъёслы.

Мар шуыны луэ вуоно арлы подписка пумысен? Милям, газет поттӥсьёслэн, но почтаын ужасьёлэн малпанмы огкадьгес: адямиос газет-журналъёслы гожтӥськыны черодэ уг султо. Сое возьмато лыдпусъёс. Кылсярысь, Камбарка, Каракулино, Сарапул но Кияса ёросъёсысь почта ёзъёс пыро Сарапул почтамтэ. Татысь валтӥсь специалист, подпиская инструктор Светлана Шатунова верамъя, калыклэн лыдӟиськемез уг поты.

— Арлыдоослэн синзы лябӟе, егитъёслы Интернет вотэс тырме, лэся. Адямиосты тэльмыроно луэ. Тани туэ та ньыль ёросэз басьтоно ке, «Удмурт дунне» вуэ  297 корка, вуоно арлы гожтӥськемъёс туннэ нуналлы  243 мурт люкаськемын. Со пӧлысь 222-ез Кияса ёросын улӥсьёс (туэ татын 265 семья басьтэ вал ай), 17-ез — сарапул калык, 3-ез — камбаркаос но 1-ез лыдӟись  Каракулино ёросысь. Но та лыдпусъёс воштӥськыны быгатозы на.

Каракулино ёросын улэ 13 сюрслэсь ятыр адями, соос пӧлысь 5 процентэз, пе, удмуртъёс. Нош «Удмурт дуннеез» басьтэ 1 адями…

 Галина Семёнова.

Удмурт Дунне
By Удмурт Дунне 16 декабря, 2011 07:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<