Ачим лыкто!

Удмурт Дунне
By Удмурт Дунне 6 декабря, 2011 08:45

29-тӥ школаын интыяськем участоке пыри гинэ, йырез поромытӥзы ческыт пыжиськем тулкымъёс. Калык пӧсь шаньги, перепеч басьтыны черодэ ик султэм. Пыдлогес пырыса, шедисько вӧл-вӧл залэ. Татын но пичи черод. Но таяз рад — бюллетеньёслы. ӵапак калыко вакытэ вуиськем, лэся. Нокин уг ӵашеты, адямиос пальышало, шып гинэ пыро чагыр бӧзэн возъям кабинкаосы, куаразэс сёто но… перепеч доры дырто. Куд-огез концерт учкыны вылӥ этаже тубе на.

29-тӥ школае интыяськемын быръёнъёсъя кык участок. Огеныз кивалтэ Виктор Кубатко. Солэн верамезъя, нуназе 11 час 30 минутлы участокысьтыз 1 сюрс 767 адями пӧлысь куаразэ сётӥз 326-ез. Со, пе, урод ӧвӧл. Та сяна, 10 адями доры улон интыяз ветлыса вуттэмын. Ваньзы сямен ик — султыны быгатӥсьтэм пересьёс. Нош оглом учконо ке, урнаез дораз вайыны куронэн вазиськем 17 адями. Зэм, огез песянай, дораз ветлӥзы ке но, куаразэ сётыны пумит луэм. ӵукна, пе, тазалыке урод вал, соин дорады жингыръяй. Нош табере умойгес луиз ни, участоке ачим ик лыкто!

Виктор Анатольевичлэн верамезъя, куаразэс нырысьсэ сётыны лыктэм егитъёслы соос пичи кузьымъёс — календарьёс, брелокъёс дасязы. Но жаль, нуназеозь егитъёс туж ӧжыт вал ай. Оло, дышем сямен, ӝытлы сайкалозы…

Елена Васильева.

Удмурт Дунне
By Удмурт Дунне 6 декабря, 2011 08:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<