Азьланезлы оскыса

Удмурт Дунне
By Удмурт Дунне 6 декабря, 2011 08:35

Азьланезлы оскыса

Кун Думае но Дэри ёрос Кенеше быръёнъёс Ожмос черкогуртын ӝутскем мылкыдын ортчизы. Со шӧдӥськиз вазь ӵукнаысен ик. Крезьгур шудӥз, бырйисьёсты шулдыртӥзы культура юртысь артистъёс.

— Та быръёнъёслы ми рос-прос дасяським, — вераз быръёнъёсъя участоклэн кивалтӥсез Наталья Васильева, — соин ик нокыӵе сюлмаськонъёс ӧз кылдылэ. Сое пусйизы эскерисьёс но. Нош кинлэн аслаз ветлэмез уг луы, доразы вуылӥм. Калык тросгес куаразэ сётӥз «Огъя Россия» партия понна, со 447 куара люказ, 2-тӥ интые потӥз «Зэмлыко Россия» партия.

Кузпалъёс Валентина но Анатолий Ложкинъёс быръёнъёслэсь ноку уг палэнско. Таяз учыре но, пичи пизэс сьӧразы кутыса, дыртӥзы участоке.

— Ми дурбасьтӥм «Огъя Россия» понна. Али со мукетъёслэсь кужмогес но оскымонгес. Милям куинь пиналмы будэ, соослэн али ик мед адӟиськоз ни ӵуказелы улон сюрессы. Со понна ик куарамес сётӥськом, — шуэ Валентина Николаевна.

Иван Аркашев.

Туспуктӥз Владимир Беломорских.

Удмурт Дунне
By Удмурт Дунне 6 декабря, 2011 08:35