«Катялэн вожпотонэз»

Удмурт Дунне
By Удмурт Дунне Декабрь 21, 2011 14:24
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кыкетӥ арнязэ ини Ижын радъясько Германилы сӥзем нуналъёс. Ортчо тунсыко пумиськонъёс. Соос пӧлысь тросэз радъясько Удмурт кун университетын, угось УдГУ-лы туэ 80 ар тырмиз. Куд-огез ужрадъёс Ижысь Эшъяськон юртын, «Квартира» но «Fashion» клубъёсын, «Дружба» кинотеатрын но «Грифон» галереяын ортчо. Таин валче Иже трос куноос вуизы: Германиысь журналистъёс, Роберт Бош нимо фондысь лекторъёс, политологъёс, гожъяськисьёс, кылысь кылэ берыктӥсьёс.

Тросэз ужрадъёс немец кылын ортчизы. Мон мылкыдме усьтысал «Katjas Zorn» («Катялэн вожпотонэз») романэн тодматскон пумысен. Сое гожтӥзы Ютта Якоби но Юлия Соловьёва. Ютта вордскемын Гамбургын, та вакытэ Москваын улэ. Юлия вордскемын Москваын, улэ Гамбургын. Ӵошен гожтэм романазы кышномуртъёс возьмато Германиын вордскем но Москвае дышетскыны кошкем Катялэсь улон-вылонзэ. Кызьы со Удмурт шаере учыра, трос удмурт гуртъёсы вуылэ. Романын тужгес но трос саклык висъямын Кияса ёросысь Уддяди гуртлы — отысь калыклы, сям-йылолъёслы. Книгаен тодматскон ӝытэ люкаськемъёс удмурт кырӟанъёсты, уддядиослэсь удмурт сямен вераськемзэс, немец кылэ берыктыса, кылзӥзы. Тунсыко вылэм анай кылыд шоры мурт кыл пыр учкыны.

Романлэн авторъёсыз верамъя, асьме калык соос понна — экзотика. Героиня котьмалы пайме, котьмаин тунсыкъяське. Ютта но Юлия, Удмурт шаере вуылытозязы, ноку малпаллямтэ: Россиын, ӟучсэ гинэ ӧвӧл, мукет кылъёслэсь чузъяськемзэс но кылод вылэм. Жаляса верано, романэз туннэ нуналлы немец кылын гинэ лыдӟыны луэ. Оскон вань: азьланяз со удмуртэ берыктэмын луоз.

Егит азьветлӥсь Алексей Шкляев кичӧлтэмъя немец куноос та нуналъёсы тодматскизы удмурт егитъёслы сӥзем «Узы-боры» киноен но. Со мынӥз немец субтитръёсын.

Лена Рябина

Удмурт Дунне
By Удмурт Дунне Декабрь 21, 2011 14:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<