«Италмас» ворекъя толалтэ но

Удмурт Дунне
By Удмурт Дунне Декабрь 2, 2011 10:52

«Италмас» ворекъя  толалтэ но

Президент данъя Н. Богдановаез.

75 ар ӵоже шаерысьтымы улӥсьёсты шумпоттэ «Италмас» ансамбль. Удмурт культураез, искусствоез калыке вӧлмытэ. Татын ужало тужгес яркыт артистъёс. 30-тӥ ноябре ансамбль аслэсьтыз юбилейзэ пусйиз Драмая ӟуч театрлэн сцена вылаз. «Италмасэз» ӟечкыланы лыктӥзы вылӥ кивалтӥсьёс но огшоры учкисьёс.

— Та ансамбль — быдэс легенда, — шуиз Александр Волков. — Тӥ быгатӥськоды калыклы ӟеч мылкыд, шумпотон кузьманы, чеберлыкез валаны. Удмуртиын сяна, тӥледыз ярато Россилэн мукет сэрегъёсаз, гажаса пумитало кун сьӧрын. Жингрес кырӟанъёс но ӟырдыт эктонъёс мед юрттозы азьланяз но тупаса улыны, улонмес шулдыртыны.

Александр Волков нимысьтыз тау кариз Мамонтовъёслэн семьязылы. Анатолий Васильевич трос аръёс ӵоже ансамбльлэн воштонтэм кивалтӥсез луэ. Солэн кузпалыз Леонора Викторовна кылдытӥз эктонъя нылпи студия. Нош табере ансамбльын ужало ни Мамонтовъёслэн пизы-кензы но.

Юбилей ӝытэ «Италмасысь» удмурт кизилиосмы уката золгес воректӥзы. Президент Александр Волков крезьгур искусствоез азинтэмзы понна «Удмуртиысь калык артист» нимын пусйиз Людмила Ахтариеваез, Татьяна Лебедеваез но Алевтина Медведеваез. Эшшо вить мурт: Нэлли Богданова, Марина Лозко, Ирина Мамонтова, Алексей Хитрин, Людмила Чурилова пусъемын «Удмуртиысь дано артист» нимын, Наталья Матвиюк луиз Удмуртиысь культура удысысь дано ужась.

Ӟеч кылъёс тырмизы ваньмызлы. Нош артистъёс «пунэмзэ берыктӥзы» синмальдымон концертэн.

Зинаида Кириллова.

Удмурт Дунне
By Удмурт Дунне Декабрь 2, 2011 10:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<