«Зарни вотэс» йылпумъяськиз

Удмурт Дунне
By Удмурт Дунне 7 декабря, 2011 10:03

«Зарни вотэс» ӵошатсконэз радъян пумысен мылкыдзэ туэ ар кутсконын шараяз Дышетӥсьёслэсь тодон-валанзэс будэтонъя институтлэн кивалтӥсез Алексей Красильников. Но со улонысь шӧдтэк шорысь кошкемен валче та проектэз гужемлы кельтоно луиз. Соку институтысь Ивор технологиосъя центрлэн кивалтӥсезлэсь ужзэ быдэсъясь Денис Сахарных сюлмаськемъя «Зарни вотэс-2011» конкурс ӧсъёссэ вӧлъяз. Сое радъяны юрттӥз Финляндиысь М. Кастрен нимо общество.

Ӵошатсконэ куриськонъёсты кутон йылпумъяськиз туэ 1-тӥ декабре. «Зарни вотэс-2011» проектлэн кивалтӥсез Л. Мустаева ивортэмъя, ӵошатсконэ ваньзэ-ӧвӧлзэ вуэмын 32 Интернет проект. Соос пӧлын нимаз адямиослэн блогъёссы: Дарали Лелилэн, Санко Батырлэн, Егит кышномуртлэн, калык кырӟанъя но эктонъя «Айкай» театрлэн сайтэз, «Удмурт дунне» газетлэн но солэн «Дарт» приложениезлэн Интернет бамъёссы, Киров улосысь Светозарево, Татарстанысь Агрыз ёросысь Варклед-Бӧдья гуртъёсын улӥсь удмуртъёслэн Интернет сэрегъёссы но мукет.

Вормисе потэмъёс пусъемын луозы пӧртэм номинациосын: «Удмурт блог», «Шаертодонъя сайт», «Усточиослэн сайтсы», «Кыл но кылос». Кинлэн Интернет-бамез тужгес но вылӥ дунъямын луоз? Юанлы валэктон шедёз та нуналъёсы: 9-тӥ декабре Ижысь Эшъяськон юртын ортчоз вормисе потэмъёсты быръён но кузьымъёсын пусъён. Ужрад кутскоз 16.00 часын.

Елена Тугашова. 

Удмурт Дунне
By Удмурт Дунне 7 декабря, 2011 10:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<