17 этажъем шумпотон

Удмурт Дунне
By Удмурт Дунне Ноябрь 8, 2011 11:06

Пурысь сӥзьыл нуналэ Ижысь 127 егит семьяе пыриз яркыт шумпотон. 1-тӥ ноябрьысен соослы сётъяло выль квартираоссылэсь усьтонъёссэ. Семьяос ваньзы пырозы одӥг липет улэ — «Янтарный» комплексысь огаз юртэ.

Буммаш районысь ӝужыт корка кыдёкысен ик адске — татын 17 этаж. Юртын 159 квартира. Пӧлысьтыз 127-ез висъямын егит кузпалъёслы. Соос пыриськизы Удмуртилэн Президентэзлэн ялэм «Егит семьяослы — улон инты» программаяз.

Лэсьтӥськон мынӥз одӥг ар ӵоже. Семьяос 5 процентъем кредитэн басьтыны быгатӥзы шулдыр квартираос. Татчы али ик улыны потыны луэ ни: выж вылын линолеум, борддоръёсын шпалер, укноос пластиклэсь.

Юртын ваньмыз егитъёслы чакламын. Кылсярысь, егит анайёс коляскаосын солань-талань ветлоно уз луэ — соосты нырысетӥ этажысь нимысьтыз висъетэ кельтыны быгатозы. Палэнысь пырись-потасьёсты чаклалоз нимысьтыз адями. Выль корка котырын вань машина пуктылон инты, нылпиослы шудыны усто площадка.

Нош тузӥ корка пырисьёсты уката шумпоттыны малпа юртэз пуктӥсь «Титан-инвестстрой» компания. Котькуд семья быгатоз кулэ луись арбериос басьтыны «Хозяйственной база» вуз карон центрысь. Татын егит кузпалъёслы ӟеч скидка сётозы.

Елена Скворцова.

Удмурт Дунне
By Удмурт Дунне Ноябрь 8, 2011 11:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<