Уждун будэ, мылкыд уг ӝутскы…

Удмурт Дунне
By Удмурт Дунне 3 ноября, 2011 08:40

Выль дышетон арез школаосын но нылпи садъёсын ужасьёс пумитазы ӟеч иворен — уждунзы 30 процентлы йылоз шуыса оскытӥзы. Озьы ог 49 сюрс мурт возьмаз толэзь йылпумъяськемез. Октябре соос басьтӥзы ни выль уждун.

Республикая шоро-куспо лыдпус луиз 12 сюрс 685 манет. Ӵошатон вылысь: туэ нырысетӥ кварталэ дышетӥсьёслэн уждунзы вал 9 сюрс 700 манет котыр, ивортӥз Удмуртиысь дышетонъя но наукая министр Андрей Кузнецов.

Оглом ӟеч уж быдэстэмын кадь. Россиысь Президентлэн пуктэм куронэз кылэмын. Уката ик Удмуртия дышетӥсьёсты сяна дунъяз нылпи садъёсын ужасьёсты но. Озьы ке но юанъёс кылдо ик. Дышетӥсьёс ас мылкыдзыя уждунзэс чотаса пото но 30 процентлы уг шумпото. Малы? Ужъя министр Сергей Фефилов пусъе: котькуд учыръя нимаз рос-прос лыдъяны кулэ. Кылсярысь, дышетӥсьлэн кисыяз пыре классэн кивалтэм понна 1 сюрс манет ватсэт. Та федерал юрттэт лыдъяське, соин уждунэз будэтыку, та 1 сюрс манет уз йылы, азьвыл сямен ик кылёз. Та муген дышетӥсьёс чаклало, Президентлэн косонэз оглом 26-28 процентлы гинэ быдэстэмын шуыса.

Уждун тыронъя выль положение сюрес урдсы кельтӥз федеральной учреждениосты. Соин Удмуртиысь университетъёсысь но академиосысь, техникумъёсысь дышетӥсьёслэн кисызы зӧкгес ӧз луы.

Педагогъёслэсь мылкыдзэс ӝутозы на вуоно арын сӥзьыл но — ог 6 процентлы окладъёссэс будэтозы. Озьы кивалтӥсьёс быдэстыны чаклало Д. Медведевлэсь куронзэ — дышетӥсьлэн уждунэз ӵошканы кулэ улосысь шоро-куспо уждунэн. Министр Андрей Кузнецов оскытӥз — Удмуртиын али ик со лыдпуслы матэктӥськом ни. Ар пумозь шоро-куспо уждун 15 сюрс манет луоз, дышетӥсьёслэн огъям лыдпуссы — 12 сюрс 685 манет. Озьыен, вуоно арын но интыысь кивалтӥсьлы сюлмаськыны муг кылёз.

Дышетон удысын ужасьёслэн уждун пумысен юанъёссы уг сылмо ке, соос вазиськыны быгатозы Дышетонъя но наукая министерствое (3412) 51-00-61 телефонъя.

 

 

 

Удмурт Дунне
By Удмурт Дунне 3 ноября, 2011 08:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<