Танк вылын ворттылон

Удмурт Дунне
By Удмурт Дунне 8 ноября, 2011 11:10

Танк вылын ворттылон

Кылем арня шорын Ижысь нылпи творчествоя юрт доры бадӟым танк пуктӥзы. Ас даурзэ со Пугачёвоын ортчытэмын, шуо. 

ИС-3 танк, калыкын сое «Иосиф Сталин» шуо, 46 тонна кыске. Со 1993-тӥ арын списать карем маке, берло аръёсы трактор интыын кутӥськылӥз. Туэ гужем Пугачёвоын пуштон учыр дыръя юн сӧсырмиз-паньгаз но ветлэмысь дугдӥз.

Солы кыкетӥ улон кузьманы малпазы. «Купол» заводын тупатъямзы-выльдэмзы бере сое вуттӥзы Ижысь нылпи творчествоя юрт доры. Азьланяз татысь кыр интыез Совето Союз вакытысь синпелетъёсын парклы пӧрмытыны малпало. Танк вӧзы пуктыны дасясько на пушкаос.

— Проектэз улонэ пыӵатон понна трос лэсьтоно на, — шуиз Иж город администрацилэн йырызлэн воштӥсез Дмитрий Космин. — Умой луысал, та ужез вуоно аре ик интыысьтыз вырӟытыны быгатысалмы ке. Военной техника вӧзы вашкала машинаосты но пуктыны луысал.

«ИС-3» танклэсь зэмос вордскем нуналзэ нокин вераны уг быгаты, серийной номеръёсыз шедьымтэен. Экспертъёс верамъя, танк кылдытэмын 1946-тӥ яке 1947-тӥ аръёсы. Аспӧртэм историен танкез БТР машина вӧзы пуктӥзы — таиз нылпи творчествоя юрт вӧзын далайгес сылэ ни. Пиналъёс отысь уг ик кошкыло. Бадӟым машинаос вылэ тубало, соос вылын ворттыло.

  Валентина Емельянова.

  Туспуктӥз Владимир Беломорских.

Удмурт Дунне
By Удмурт Дунне 8 ноября, 2011 11:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<