Семьяос ӵыжы-выжыяськизы

Удмурт Дунне
By Удмурт Дунне 30 ноября, 2011 09:32

Семьяос ӵыжы-выжыяськизы

Ижысь 208-тӥ нылпи садысь Маша Дружинина анаеныз Мария Валерьевнаен.

Удмуртиысь нылкышно кенеш, «Удмурт кенеш», «Шунды» огазеяськонъёс, городысь пиналъёсты школалэсь азьло визьноданъя управление, воспитательёслэн «Зарни бугор» огазеяськонзы витетӥ арзэ «Ӵыжы-выжы» фестиваль ортчыто. Та нуналъёсы со мынэ Ижысь 208-тӥ, Кузебай Герд нимо но 112-тӥ нылпи садъёсын.

Азьвыл аръёсы удмурт нылпи садъёсы ветлӥсьёс, анай кылмес дышетӥсь но удмуртлыкез гажась нылпиос фин-угор выжыысь калык кырӟанъёсты, эктонъёсты возьматъязы вал ке, туэысен фестивалязы выль шӧм пыӵатыны малпазы. Писпу, пе, выжыеныз юн луэ, нош семья — ӵыжы-выжыосыныз. Соин ик семьяосты возьматоно кариськизы. Соос понна радъям нырысетӥ фестивале 21 семья пыриськыны мылкыд кариз. Асьсэды возьматэм сяна, фин-угор выжыысь калыкъёслэн улэм-вылэменызы, йылол-сямъёсынызы, сиён-юонъёсынызы тодматӥзы.

Толон таӵе ужрад 208-тӥ нылпи садын ортчиз. Индустриальной ёросысь 5 семья пыриськиз. Ваньзы соос данъян грамотаосын, небыт шудонъёсын пусъемын. Озьы Байковъёслэн семьязы висъяськиз ас выжызэс ӟеч тодэменызы, Полетаевъёс тужгес визьнодлыкоосыз луизы, Дружининъёс — сабырлыкоосыз, Баженовъёс «Ӟеч кышномурт — ӝыны юрт» номинациын вормизы, нош Кузнецовъёслэн семьязы тужгес удмуртлыкоез луиз. Мукет ёросъёсысь семьяос быгатонлыкъёссэс возьматозы туннэ но ӵуказе.

Ужрадэз ортчытӥсьёс пусъё: берло дыре Ижысь нылпи садъёсын удмурт кыл тросгес чузъяськыны кутскиз.

Валентина Емельянова.

Туспуктӥз Владимир Беломорских. 

Удмурт Дунне
By Удмурт Дунне 30 ноября, 2011 09:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<