Ныр улзэс ӵушизы кезъёс

Удмурт Дунне
By Удмурт Дунне 22 ноября, 2011 14:27

Кылем арня пумын Дэбес черкогуртэ трос калык люкаськылӥз. Луллэн но кужымлэн фестивалязы пыриськизы шаерысьтымы пӧртэм выжы калыкъёслэсь аспӧртэмлыкъёссэс, историзэс эскерись тодосчиос, спортэз гажасьёс. Таӵе ужрад Удмуртиын куинетӥзэ ортчиз. Азьвыл аръёсы сое Ижын радъязы ке, туэ ёросъёсы потыны малпазы. Нациосын ужан политикая министерство, Ижысь Эшъяськон юрт, шаерысьтымы егитъёслэн «Вместе» огазеяськонзы но Дэбес ёрос муниципал кылдытэт кичӧлтэм улсын ужрадын бадӟым саклык висъязы мугорез кыдатонлы.

Фестивале пыриськизы Эгра, Кез, Шаркан ёросъёсысь егитъёс. Кызьы ивортӥз Эшъяськон юртысь спорт понна кыл кутӥсь Артём Митриченко, ужрадэ люкаськемъёс шальыен шудӥзы, боды кысказы, пукыӵ ньӧлэн ыбылӥськизы, пу шаръёс зӥръязы.

Пӧртэм амалъёсын кужымзэс эскеремзы бере зарни кубокез утӥзы Кез ёросысь егитъёс. Бадӟым ужрад эшъяськон концертэн йылпумъяськиз.

Валентина Емельянова. 

Удмурт Дунне
By Удмурт Дунне 22 ноября, 2011 14:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<