Луонлыктэс эн ыштэ

Удмурт Дунне
By Удмурт Дунне 11 ноября, 2011 09:28

Сётозы на-а мыным кыкетӥзэ открепительной удостоверение, нырысь сётэмзэ ыштӥ ке?

«Россия Федерациысь Федеральной Собранилэн Кун Думаяз депутатъёсты быръён сярысь» законъя (18.05.2005, 51 номеро ФЗ) кыкетӥзэ открепительной удостоверение сётыны уг яра. Соин ик сыӵе луонлыктэс эн ыштэ.

 

Быгатӥсько-а мон куара сётон бюллетене пус пуктон вылысь кинлэсь ке юрттэтсэ курыны?

Ачиз гожтӥськыны быгатӥсьтэм адями юрттэтлы вазиськыны быгатэ мукет муртлы, но со медаз луы быръёнъя комиссилэн ёзчиез, кандидат, партиослэн оскем муртсы, эскерись (наблюдатель).

 

Кин быгатэ быръён нуналэ наблюдатель юнматыны?

Аслаз кандидатъёсыныз федерал списоке пырем котькудӥз политической партия быгатэ аслэсьтыз наблюдательзэ пуктыны. Эскерись муртлэн полномочиосыз гожтыса пусъемын луыны кулэ партиен сётэм направлениын. Со сяна, наблюдательлэн бордаз одно мед луоз паспортэз яке сое воштӥсь мукет документэз. Котькудӥз политической партия быгатэ 1000 муртлы сыӵе ужез оскыны.

Дасямын Удмуртиысь Быръёнъя валтӥсь

комиссия юрттэмъя.

Удмурт Дунне
By Удмурт Дунне 11 ноября, 2011 09:28